नवी दिल्ली : केंद्र सरकार (central government) कोरोना विषाणूशी (coronavirus) संबंधित सर्व प्रोटोकॉलचे पालन करून ऑफलाइन शाळा सुरू करण्याच्या मॉडेलवर काम करत आहे. कोरोना व्हायरसचे नवनवीन प्रकार समोर आल्यानंतर देशातील बहुतेक भागांमध्ये शाळांचे ऑफलाइन वर्ग (offline classes) बंद करण्यात आले आहेत. कोरोना विषाणू (कोविड) साथीच्या आजारामुळे, काही अल्प कालावधी वगळता विद्यार्थी (students) जवळपास दोन वर्षांपासून ऑनलाइन वर्गांना उपस्थित राहत आहेत.(Schools Reopening News)
शाळा सुरू करण्याच्या मॉडेलवर काम
शासकीय सुत्रांच्या माहितीनुसार, "पालक शाळा उघडण्याची मागणी करत असताना, केंद्र सरकार कोविडशी संबंधित सर्व प्रोटोकॉलचे पालन करून शाळा सुरू करण्याच्या मॉडेलवर काम करत आहे." अशाच मागण्या विविध राज्यांमध्येही करण्यात आल्या आहेत, परंतु त्यापैकी आणखी एक पालकांचा वर्ग ऑनलाइन वर्ग सुरू ठेवण्याच्या बाजूने आहे.
1600 हून अधिक पालकांकडून स्वाक्षरी केलेले निवेदन
एपिडेमियोलॉजिस्ट आणि तज्ज्ञ चंद्रकांत लहरिया (chandrakant lehriya) आणि सेंटर फॉर पॉलिसी रिसर्चच्या अध्यक्षा यामिनी अय्यर (yamini ayyar) यांच्या नेतृत्वाखालील पालकांच्या शिष्टमंडळाने बुधवारी दिल्लीचे उपमुख्यमंत्री मनीष सिसोदिया (manish sisodiya) यांची भेट घेतली आणि 1,600 हून अधिक पालकांनी स्वाक्षरी केलेले निवेदन सादर केले, ज्यामध्ये शाळा पुन्हा उघडण्याची मागणी करण्यात आली होती.
आतापर्यंत देशात 72 कोटी 21 लोकांची कोरोना चाचणी
गेल्या 24 तासांत कोरोनाचे 2,86,384 नवीन रुग्ण आढळून आले आहेत, तर 573 रुग्णांचा मृत्यू झाला आहे. नवीन प्रकरणे आल्यानंतर सक्रिय रुग्णांची संख्या 22 लाख 2 हजार 472 झाली आहे. कोरोनाचा सकारात्मकता दर 16 टक्क्यांवरून 19.5 टक्के झाला आहे. गेल्या चोवीस तासांत 14 लाख 62 हजार 261 जणांची कोरोना चाचणी करण्यात आली. आतापर्यंत देशात 72 कोटी 21 लोकांची कोरोना चाचणी झाली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
