स्टरलाइटमधील ऑक्सिजन निर्मिती थांबली

चेन्नई - तमिळनाडूतील तुतिकोरीन येथील वेदांता ग्रुपचा स्टरलाइट कॉपर प्रकल्प (Sterlite Copper Project) वैद्यकीय ऑक्सिजन उत्पादन (Oxygen Production) करणासाठी नुकताच सुरू झाला होता. पण कारखान्याच्या शीतपेटीत तांत्रिक बिघाड (Technical Problem) झाल्याने उत्पादन थांबविण्यात (Production Stop) आले आहे, अशी माहिती कंपनीने शुक्रवारी दिली. (Oxygen production in Sterlite stopped)

तमिळनाडू सरकारने हा प्रकल्प कायमस्वरूपी बंद करण्याचा आदेश २०१८ मध्ये दिला होता. मात्र सध्या राज्यात आणि देशातही कोरोनाचा प्रादुर्भाव वाढत असल्याने ऑक्सिजनसाठी हा प्रकल्प अंशतः सुरू करण्याचा निर्णय तत्कालीन मुख्यमंत्री के. पलानीस्वामी यांनी गेल्या महिन्यात घेतला होता. त्यानुसार या प्रकल्पात ऑक्सिजनच्या निर्मितीला सुरुवात होऊन ४.८ टन क्षमतेचा ऑक्सिजनचा टँकर गुरुवारी (ता.१३) तिरुनेलवेली सरकारी वैद्यकीय महाविद्यालय आणि रुग्णालयात दाखल झाला, अशी माहिती जिल्हाधिकारी के. सेंथिल राज यांनी दिली.