रोहतास जिल्ह्यात गुन्हेगारांनी मोठी घटना घडवलीय.
रोहतास : बिहारमधील रोहतास जिल्ह्यात (Rohtas District) गुन्हेगारांनी मोठी घटना घडवलीय. जिल्ह्यातील करगहर इथं PACS चे अध्यक्ष विजेंदर यादव यांची गोळ्या झाडून हत्या करण्यात आलीय. विजेंदर यादव (Vijender Yadav) हे करगहरचे प्रमुख असून सध्या ते PACS चे अध्यक्ष देखील आहेत.
गेल्या तीन दशकांपासून ते लालू प्रसाद यादव (Lalu Prasad Yadav) आणि आरजेडीशी संबंधित होते, तसेच तेजस्वी यादव यांच्या जवळचे मानले जात होते. आज (रविवार) सकाळी ते काही मजुरांसह त्यांच्या भातशेतीत गेले असता दुचाकीवरून आलेल्या दोन गुन्हेगारांनी त्यांची माहिती जाणून घेतली आणि काही वैयक्तिक बोलण्याच्या बहाण्यानं शेताशेजारील रस्त्यावर बोलावलं. थोडा वेळ बोलल्यानंतर त्यांच्या मानेवर व डोक्यात मागून गोळी झाडली. त्यामुळं विजेंदर यादव यांचा जागीच मृत्यू झाला.
शेतात काम करणाऱ्या मजुरांना गोळीबाराचा आवाज आल्याने ते रस्त्यावर धावत आले. तोपर्यंत दुचाकीस्वार शस्त्रं उगारुन तेथून पळून गेले. यात आरजेडी नेत्याचा जागीच मृत्यू झालाय. घटनेची माहिती मिळताच परिसरातील नागरिक मोठ्या संख्येनं घटनास्थळी दाखल झाले. त्याचवेळी काही वेळानं करगहर पोलीस ठाण्याचे पोलीसही घटनास्थळी पोहोचले आणि त्यांनी तपास सुरू केलाय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
