नवी दिल्ली : दिल्लीतील केजरीवाल सरकारने पद्म पुरस्कारांसाठी डॉक्टर आणि आरोग्य कर्मचाऱ्यांची नावे केंद्राकडे पाठविण्याचा निर्णय घेतला आहे. ही नावे १५ ऑगस्टपर्यंत सूचविण्याचे आवाहन दिल्लीकरांना या सरकारने केले आहे.
पद्म पुरस्कारांसाठी जनतेकडून नावे आल्यानंतर उपमुख्यमंत्री मनीष सिसोदिया यांच्या अध्यक्षतेखालील समिती या नावांची छाननी करील. त्यानंतर निश्चित केलेली नावे १५ सप्टेंबरपर्यंत केंद्र सरकारकडे पाठविण्यात येतील. दिल्लीचे मुख्यमंत्री अरविंद केजरीवाल यांनीच ही घोषणा केली आहे. केजरीवाल म्हणाले, "कोरोना काळात डॉक्टर आणि आरोग्य कर्मचाऱ्यांनी जनतेची खूप सेवा केली आहे. आपला जीव धोक्यात घालून त्यांनी इतरांचा जीव वाचविला. अनेक डॉक्टर, कर्मचारी अनेक दिवस घरी देखील गेले नाहीत.
लोकांची सेवा करताना या कर्मचाऱ्यांना कोरोनाचा संसर्ग झाला, काही जणांचा मृत्यू झाला. त्यांचे ऋण आपल्यावर कायम राहणार आहे. आता त्यांचा सन्मान करण्याची वेळ आली आहे. त्यामुळे पद्म पुरस्कारांसाठी डॉक्टर आणि आरोग्य कर्मचाऱ्यांची नावे सुचविणार आहोत. दिल्ली सरकार ही नावे जनतेकडून मागविणार आहे. त्यासाठी ई मेल आयडी तयार केले आहे. त्यावर कोणतीही दिल्लीकर व्यक्ती डॉक्टर वा आरोग्य कर्मचाऱ्याचे नाव, त्याने केलेले कार्य याची माहिती पाठवू शकेल. त्यातून छाननी करून काही नावांची शिफारस पद्म पुरस्कारांसाठी केली जाणार असल्याचे केजरीवाल यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
