नवी दिल्ली - कोरोना काळात टाळेबंदी लागू असल्याने किंवा ‘वर्क फ्रॉम होम’मुळे बहुतेक लोकांचे घर हेच विश्‍व झाले होते. अद्यापही काही प्रमाणात वातावरण असेच आहे. या काळात इंटरनेट हा अनेक भारतीयांचा आधार बनला होता. या काळात भारतीयांनी ‘गुगल’ला कामाला लावत विविध प्रकारच्या गोष्टी सर्च केल्या. कोरोनाबरोबरच भारतीयांनी ‘आयपीएल’, पनीर, मास्क यांची गुगलवर शोधाशोध केल्याचे दिसून आले आहे. भारतात सर्वाधिक वेळा सर्च झालेल्या गोष्टींमध्ये या सर्वांचा समावेश होतो.
देशभरातील इतर बातम्या वाचण्यासाठी येथे क्लिक करा
- आयपीएल
भारतात क्रिकेट हा ‘धर्म’ मानला जातो. त्यामुळे जगात कितीही महत्त्वाच्या घटना घडत असल्या तरी त्यांचे गांभीर्य ओळखूनही बहुतांशी भारतीय लोकांचा क्रिकेटकडे असलेला कल कमी होत नाही. यंदा कोरोनाच्या संकटात अडचणींचा सामना करत असतानाही भारतीयांनी इंटरनेटवरून संयुक्त अरब अमिरातीमध्ये झालेल्या ‘आयपीएल’चा आनंद लुटला. गुगलवर सर्वाधिक वेळा हाच विषय सर्च झाला.
- फटाके
कोरोना काळात सरकारने फटाक्यांवर बंदी आणली होती. तर, भारतीयांनी ‘फटाके कोठे मिळतात’ याचा फार मोठ्या प्रमाणावर शोध घेतला. हरीत फटाक्यांबाबतही माहिती शोधण्यात आली.
जगभरातील इतर बातम्या वाचण्यासाठी येथे क्लिक करा
- पनीर
खवय्ये असलेल्या भारतीयांनी घरातील आपल्या वेळेचा सदुपयोग स्वत:मधील पाककौशल्ये विकसीत करण्यात किंवा उपयोगात आणण्यात केला. यातही ‘हाऊ टू..’ या प्रकारच्या सर्चमध्ये ‘पनीर कसे बनवतात?’ हा प्रश्‍न विचारणाऱ्यांचे प्रमाण प्रचंड होते.
- मनी हाइस्ट
चित्रपटगृहे बंद असल्याने अनेकांनी आपले चित्रपट नेटफ्लिक्स सारख्या माध्यमांतून प्रसिद्ध केले. वेबसीरिजनेही इंटरनेटवर धुमाकूळ घातला. विशेष म्हणजे, भारतीयांनी स्पॅनिश भाषेतील ‘मनी हाइस्ट’ ही वेबसीरिज पाहिली. अनेक हिंदी वेबसीरिजना त्यापेक्षा कमी प्रेक्षक लाभले.
बायडेन आणि अर्णव
अमेरिकेचे नियोजित अध्यक्ष ज्यो बायडेन यांच्याबाबतची माहिती सर्वाधिक वेळा सर्च झाली. जगभरातच हा ट्रेंड होता. भारतात बायडेन यांच्यानंतर वृत्तनिवेदक अर्णव गोस्वामी यांचे नाव सर्च झाले.
इतर टॉप ट्रेंड
- कोविड सेंटर
- मद्यविक्रीच्या दुकानांचा शोध
- घरी मास्क कसा बनवावा, सॅनिटायझर कसे बनवावे
- कनिका कपूर
- किम जोंग उन
- अमिताभ बच्चन
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.