मागील काही दिवसांत रेल्वेच्या बोगीला आग लागल्याच्या अनेक घटना समोर आल्या आहेत. अनेकदा या आगीचं कारणही अस्पष्ट राहिलेय. त्याच पार्श्वभूमीवर आता रेल्वे मंत्रालयानं महत्वाचा निर्णय घेतला आहे. रात्री ११ ते सकाळी पाच या कालावधीमध्ये रेल्वेमधील चार्जिंग पोर्ट वापरण्यावर बंदी घातली आहे. ही माहिती रेल्वेच्या एका वरिष्ठ आधिकाऱ्यानं मंगळवारी ही माहिती दिली.
पश्चिम रेल्वेनं १६ मार्चपासून रात्री ११ ते पहाटे पाच या कालावधीत चार्जिंग पोर्ट बंद करण्याची प्रक्रिया सुरु केली होती. पश्चिम रेल्वेचे मुख्य जनसंपर्क अधिकारी (सीपीआरओ) सुमित ठाकुर यांनी पीटीआयला दिलेल्या मुलाखतीत सांगितले की, ‘‘ रात्री ११ ते पहाटे पाच या कालावधीत चार्जिंग पोर्ट बंद ठेवण्याचा नियम देशातील सर्व रेल्वेंना देण्यात आले आहेत. आम्ही १६ मार्चपासून याची अंमलबजावणी केली.’’
दक्षिण रेल्वेचे सीपीआरओ बी गुगनेसन म्हणाले की, रात्रीच्या कालावधीत चार्जिंग पोर्ट बंद करण्याचे नियम नवीन नाही. याआधीही असा नियम आंमलात आणला होती. २०१४ मध्ये बंगळुरु-नांदेड एक्स्प्रेस रेल्वेत आगीची घटना घडली होती. त्यानंतर रेल्वे सुरक्षा आयुक्त यांनी रात्रीच्या वेळी चार्जिंग पोर्ट बंद करण्याची शिफारस केली होती. रेल्वेनं अखेर सर्व झोनच्या रेल्वेंना रात्री ११ ते पहाटे ५ या कालावधीत चार्जिंग पोर्ट बंद करण्याचा आदेश दिला आहे.
गुगनेसन म्हणाले की, ‘‘ गेल्या काही दिवसांपासून रेल्वेत घडलेल्या आगीच्या घटेनेच्या पार्श्वभूमीवर हा निर्णय घेतला आहे. याआधीही रेल्वे बोर्डानं असे आदेश दिले होते. रात्री ११ ते पहाटे पाच, या सहा तासांसाठी मुख्य स्विचबोर्डातून चार्जिंग पॉईंटची वीज बंद केली जाईल.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.