अधिकारी बापाला पोलिस ऑफिसर मुलीचा कडक सॅल्युट

सध्या सोशल मिडियावर काही क्षणांतच फोटो आणि व्हिडिओ व्हायरल होत असतात. मग यामध्ये काही फोटोंचे कौतुक होते तर अनेकांवर टीकाही होते. असाच एक फोटो सध्या चर्चेत आला आहे. या फोटोने अनेकांच्या भावनिकतेला स्पर्श केला आहे. हा फोटो आहे, तो एका मुलीचा आणि तिच्या वडिलांचा. यात मुलगी आणि वडील दोघे एका मैदानावर ऑफिसरच्या वर्दीमध्ये उभे आहेत. या ऑफिसर मुलीने वडीलांना सॅल्युट केलेला फोटो क्लिक केला आहे. आणि हा फोटो सोशल मिडीयावर तुफान व्हायरल झाला आहे. या फोटोवर कमेंटचा वर्षाव सुरु असून लोकांतून याचे कौतुक होत आहेत.

इंडो तिबेटियन पोलिस (ITBP) यांनी या फोटोला त्यांच्या सोशल मिडीयावर शेअर केला आहे. यामध्ये महिला पोलिस ऑफिसरने आपले वडील डीआयजी यांना सॅल्युट केला आहे. वडीलांनी या सॅल्युटचा स्विकार करुन तिला सलाम केला आहे. 'आयटीबीपी'ने 'गौरवशाली बापाला गौरवशाली मुलीचा सॅल्युट' या कॅप्शनसहित सोशल मिडीयावर हा फोटो पोस्ट केला आहे.

यातून अशी माहिती मिळाली की, या महिला ऑफिसरचे नाव अपेक्षा निंबदिया असे असून त्या उत्तर प्रदेश येथील डेप्युटी एसपी म्हणून सेवा बजावत आहेत. उत्तर प्रदेशातील मुरादाबाद येथून त्यांनी डॉ. बी.आर आंबेडकर या अॅकडमीतून यूपी पोलिससाठी शिक्षण आणि तयारी केली आहे. तिच्यासोबत आई आणि बाबांचा आणखी एक फोटोही दिला आहे.