PM Modi On Digital Arrest : तुम्हालाही 'डिजिटल अरेस्ट'चा धोका... PM मोदींनी सांगितले बचावाचे उपाय

नवी दिल्ली : प्रत्येक युगात देशासमोर आव्हाने आली आहेत आणि त्या आव्हानांना आपण यशस्वीपणे तोंड दिले आहे. सध्याच्या काळात 'डिजिटल अरेस्ट' हा चिंतेचा विषय बनला असल्याचे पंतप्रधान नरेंद्र मोदी यांनी रविवारी 115 व्या 'मन की बात' कार्यक्रमात बोलताना सांगितले..डिजिटल अरेस्टच्या माध्यमातून मोठ्या प्रमाणात घोटाळे आणि लोकांची फसवणूक सुरू आहे, असे सांगून मोदी म्हणाले की, डिजिटल अरेस्टच्या कारनाम्यात गुंतलेले लोक फोनवर असे काही वातावरण तयार करतात की आपण घाबरून जातो. हे करा, ते करा, अन्यथा अटक केली जाईल, अशी भीती घातली जाते. मात्र ही शुद्ध फसवणूक असते, हे लक्षात ठेवा. या सर्वांपासून वाचायचे असेल तर तीन कामे करायची. थांबायचे, विचार करायचे आणि कृती करायची. प्रत्येक वर्गातले आणि वयोगटाचे लोक डिजिटल अरेस्टला बळी पडत आहेत. आपल्या मेहनतीचे लाखो रुपये गमावत आहेत. .Bandra Stampede: भारतीय चेंगराचेंगरीत गमावतायेत आयुष्य! मागील काही वर्षांतील या घटना आठवा.केव्हा कोणीही अशा प्रकारचे फोन करतील, तेव्हा त्याला सर्व माहिती सांगण्याआधी काही वेळ थांबायचे. कोणतीही सरकारी संस्था फोनवर माहिती विचारत नाही, या संस्थांकडून डिजिटल अरेस्टच्या धमक्या दिल्या जात नाहीत, हे सर्वप्रथम लक्षात ठेवायचे. यानंतर राष्ट्रीय सायबर हेल्पलाईन क्रमांक 1930 वर दूरध्वनी करत फसवणुकीपासून वाचण्यासाठी कृती करायची, असे मोदी यांनी नमूद केले.प्रत्येक क्षेत्रात देश कमाल करीत असून अॅनिमेशनच्या बाबतीत आपण मजल मारत आहोत. ऑनलाईन गेमिंगच्या क्षेत्रात सुद्धा भारताने भरीव कामगिरी केली असल्याचे सांगत मोदी यांनी या क्षेत्रात कार्यरत असलेल्या लोकांचे कौतुक केले. पंतप्रधानांनी देशवासीयांना शुभेच्छा दिल्या. .Swara Bhaskar: अभिनेत्री स्वरा भास्करचा पती शरद पवारांच्या राष्ट्रवादीकडून विधानसभेच्या मैदानात, मुंडेंचा विरोधकही ठरला .दिवाळीनिमित्त ज्या काही वस्तू खरेदी कराल, त्या 'मेक इन इंडिया' असतील, याची काळजी घ्यावी, असे ते म्हणाले. सरदार पटेल यांचा 150 वा जयंती उत्सव 31 ऑक्टोबरपासून सुरु होत आहे तर भगवान बिरसा मुंडा यांचा 150 वा जयंती उत्सव येत्या 15 नोव्हेंबरपासून सुरु होत आहे. दोन्ही महापुरुषांसमोर वेगवेगळ्या प्रकारची आव्हाने होती, मात्र देशाची एकता हेच या दोघांचे ध्येय होते, असे मोदी यांनी सांगितले. .ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

PM Modi On Digital Arrest : तुम्हालाही 'डिजिटल अरेस्ट'चा धोका... PM मोदींनी सांगितले बचावाचे उपाय

Related Stories