नवी दिल्ली : अमेरिकेच्या राष्ट्राध्यक्षपदी पुन्हा एकदा डोनाल्ड ट्रम्प निवडून आले आहेत. त्यामुळं जगभरातील राष्ट्रप्रमुखांकडून त्यांच्यावर अभिनंदनाचा वर्षाव होत आहे. त्यातच पंतप्रधान नरेंद्र मोदी यांनी थेट ट्रम्प यांना फोन करुन त्यांच्याशी संवाद साधला आणि त्यांना विजयाच्या शुभेच्छाही दिल्या. आपल्या या फोनवरील संभाषणाची माहिती त्यांनी ट्विट करुन दिली आहे. यामध्ये त्यांनी माझ्या मित्रासोबत चांगला संवाद झाल्याचं म्हटलं आहे.