.jpg?w=480&auto=format%2Ccompress&fit=max)
सबस्क्राईब करा
पंतप्रधान नरेंद्र मोदी आज, ८ जुलै रोजी रशिया आणि ऑस्ट्रियाच्या तीन दिवसांच्या अधिकृत दौऱ्यावर जाणार आहेत. त्यांच्या दौऱ्याच्या पहिल्या टप्प्यात भारत आणि रशिया यांच्यातील 22 व्या वार्षिक शिखर परिषदेसाठी मोदी मॉस्कोमध्ये असतील.
वार्षिक शिखर परिषदेमुळे पंतप्रधान मोदी आणि रशियाचे अध्यक्ष व्लादिमीर पुतिन यांना संरक्षण, व्यापार संबंध, गुंतवणूक संबंध, ऊर्जा सहकार्य, शिक्षण, संस्कृती आणि लोकांमधील देवाणघेवाण यासह द्विपक्षीय मुद्द्यांचा आढावा घेता येणार आहे. ते परस्पर हितसंबंधांच्या प्रादेशिक आणि जागतिक घडामोडींवर आपला दृष्टीकोन स्पष्ट करणार आहेत.
सकाळी 10:55 वा. पंतप्रधान मोदी मॉस्कोला रवाना झाले. .
सायंकाळी 5:20 वा. पंतप्रधान मोदींचे विमान Vnukovo-II आंतरराष्ट्रीय विमानतळावर उतरेल.
रात्री 9:30 ते 11:30 पर्यंत: रशियाचे अध्यक्ष व्लादिमीर पुतिन यांच्यासोबत खाजगी बैठक आणि डिनर आयोजित केले जाईल.
उद्या पंतप्रधान नरेंद्र मोदी रशियातील भारतीयांशी संवाद साधणार आहेत. आणि त्यानंतर ऑस्ट्रिया दौऱ्यावर रवाना होणार.
रशियाचे अध्यक्ष पुतिन आज पंतप्रधानांसाठी खाजगी डिनरचे आयोजन करणार आहेत. उद्या, पंतप्रधान मोदी रशियातील भारतीयांशी संवाद साधणार आहे. यानंतर रशियाच्या अध्यक्षांचे शासकीय निवासस्थान क्रेमलिनमध्ये एक कार्यक्रम होणार आहे. यानंतर दोन्ही नेत्यांमधील काही महत्त्वाच्या विषयांवर चर्चा होणार आहे.
दोन देशांच्या दौऱ्याच्या दुसऱ्या टप्प्यात पंतप्रधान मोदी 9 ते 10 जुलै या कालावधीत ऑस्ट्रियाला भेट देणार आहेत. पंतप्रधानांचा हा पहिलाच ऑस्ट्रिया दौरा असेल. ते ऑस्ट्रियाच्या चांसलरशी मर्यादित शिष्टमंडळ-स्तरीय चर्चा करणार आहेत.
ऑस्ट्रिया हा एक महत्त्वाचा मध्य युरोपीय देश आहे आणि पायाभूत सुविधा, अक्षय ऊर्जा, उच्च तंत्रज्ञान क्षेत्र, स्टार्ट-अप क्षेत्रे, मीडिया आणि मनोरंजन या क्षेत्रांमध्ये द्विपक्षीय सहकार्यासाठी उत्कृष्ट संधी उपलब्ध आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
