Video : मोदी थांबू शकतात तर, आपण का नाही? पाहा गुजरातमध्ये नेमकं काय घडलं

Narendra Modi Stop His Carcade For Ambulance : पंतप्रधान नरेंद्र मोदी यांच्या हस्ते आज गांधीनगर ते मुंबई दरम्यान धावणाऱ्या वंदे भारत एक्सप्रेस ट्रेनला हिरवा झेंडा दाखवण्यात आला. मात्र, यापूर्वी घडलेल्या एका घटनेचा व्हिडिओ सध्या सोशल मीडियावर मोठ्या प्रमाणात व्हयरल होत आहे. पंतप्रधान नरेंद्र मोदी त्यांच्या कामामुळे आणि भाषणशैलीमुळे नेहमची चर्चेत असतात. त्यांच्यावर टीका करणाऱ्यांची संख्यादेखील कमी नाहीये. मात्र, आजच्या घटनेनंतर मोदींची प्रतिमा अधिक बळकट होण्यासाठी मदतगार ठरणार आहे.

आज सकाळी मोदी अहमदाबादहून गांधीनगरला निघाले होते. त्यावेळी पंतप्रधान नरेंद्र मोदींना एक रूग्णवाहिका थांबलेली दिसली. त्यावर मोदींनी क्षणाचाही विलंब न करता त्वरीत ताफा थांबवत रूग्णवाहिका पहिले जाऊ देण्याच्या सूचना सुरक्षा कर्मचाऱ्यांना केल्या. मोदींच्या या भूमिकेमुळे मोदींनी पुन्हा एकदा भाजपमध्ये व्हिआयपी संस्कृती नसल्याचे दाखवून दिले आहे. या घटनेचा व्हिडिओ भाजप नेते रुतविज पटेल यांनी शेअर केला आहे. मोदींची ही भूमिका हा एक मोठा मानवतावादी असल्याचेही म्हटले आहे.

रूग्णवाहिकेला रस्ता देण्यासाठी मोदींचा ताफा काही काळ थांबल्याचे व्हिडिओमध्ये दिसून येत आहे. सध्या हा व्हिडिओ सोशल मीडियावर मोठ्या प्रमाणावर व्हायरल होत असून, अनेकांनी मोदींच्या या कामाचे कौतुक केले आहे. अनेकजण रूग्णवाहिकेला रस्ता देत नाही हे आपण पाहिले आहे. मात्र, मोदींनी व्हिआयपी असूनदेखील स्वतः ताफा थांबवण्याच्या सूचना करत रूग्णाचा जीव महत्त्वाचा हे दाखवून दिले आहे. त्यामुळे जर, रूग्णवाहिकेसाठी देशाचे पंतप्रधान स्वतःचा ताफा थांबून वाट बघू शकता तर, आपण का नाही? असा प्रश्न यामुळे उपस्थित झाला आहे.