पंतप्रधान नरेंद्र मोदी यांनी मंगळवारी राजस्थानमधील टोंक येथे एका सभेत बोलताना सांगितले की, माझ्या 90 सेकंदांच्या भाषणाने काँग्रेस पक्ष आणि इंडिया आघाडीमध्ये भीती निर्माण झाली आहे.
'काँग्रेसला महिलांकडून मंगळसूत्र हिसकावून घ्यायचे आहे' या पंतप्रधान मोदींच्या वक्तव्यावर झालेल्या वादाच्या पार्श्वभूमीवर पंतप्रधानांनी मंगळवारी पुनरुच्चार केला की, काँग्रेस तुमची संपत्ती हिसकावून ती त्यांच्या खास लोकांमध्ये वाटून घेण्याचा कट रचत असल्याचे सत्य मी देशासमोर ठेवले आहे, असे मोदी म्हणाले. (PM Narendra Modi On Congress)
पंतप्रधान म्हणाले की, परवा मी राजस्थानमध्ये आलो तेव्हा मी माझ्या ९० सेकंदांच्या भाषणात काही सत्य देशासमोर मांडले होते. त्यामुळे काँग्रेस आणि इंडिया आघाडीत भीती निर्माण झाली आहे. तुमची संपत्ती हिसकावून स्वतःच्या खास लोकांना वाटण्याचा कट काँग्रेस रचत आहे, हे सत्य मी देशासमोर मांडले होते.
पंतप्रधान म्हणाले की, मी त्यांची व्होट बँक आणि तुष्टीकरणाचे राजकारण उघड केले. माझ्या या खुलाशामुळे काँग्रेस आणि भारत इंडिया एवढी चिडचिड का झाली?
काँग्रेसला सत्याची इतकी भीती का वाटते? 2014 नंतर केंद्रात काँग्रेसचे सरकार असते तर काय झाले असते? असे सवालही पंतप्रधान मोदींनी केले.
पंतप्रधान नरेंद्र मोदी म्हणाले की, 2014 मध्ये तुम्ही मला देशसेवा करण्याची संधी दिली. मग देशाने असे निर्णय घेतले ज्याची कोणी कल्पनाही केली नसेल. पण 2014 नंतर आणि आजही केंद्रात काँग्रेसची सत्ता असती तर काय झाले असते, याची कल्पना करा.
काँग्रेस सत्तेत असती तर आजही जम्मू-काश्मीरमध्ये आपल्या सैन्यावर दगडफेक झाली असती, असे पंतप्रधान नरेंद्र मोदी म्हणाले. काँग्रेस सत्तेत असती तर सीमेपलीकडून शत्रू येत राहिले असते. काँग्रेस असती तर आमच्या सैनिकांसाठी ना वन रँक वन पेन्शन लागू झाली असती ना आमच्या माजी सैनिकांना १ लाख कोटी रुपये मिळाले असते. काँग्रेसची विचारसरणी नेहमीच तुष्टीकरण आणि मतपेटीचे राजकारण राहिली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
