पंतप्रधान मोदींच्या सरकारला ८ वर्षे पूर्ण झाली आहेत. त्यानिमित्ताने मोदींनी पीएम केअर फॉर चिल्ड्र्न या योजनेंतर्गत शिष्यवृत्तीची रक्कम कोरोना काळात अनाथ झालेल्या मुलांना सोपवली. याच कार्यक्रमात त्यांनी या मुलांना आपल्या आजीची एक गोष्टही सांगितली. (PM Narendra Modi PM Care for Children Scheme)
कोरोना काळात अनाथ झालेल्या मुलांना मोदींनी पत्राद्वारे ही गोष्ट सांगितली आहे. ते पत्रात लिहितात, "आजच्या दिवशी २७ मे रोजी १०० वर्षांपूर्वी माझ्या कुटुंबालाही अशाच एका दुःखाला सामोरं जावं लागलं. एका शतकापूर्वी जेव्हा जग आजच्या सारखंच साथीच्या आजाराच्या विळख्यात होतं, तेव्हा माझ्या आईने तिची आई गमावली. माझी आई यावेळी इतकी लहान होती की तिला आपल्या आईचा चेहराही आठवत नाही. त्यामुळे माझ्या आईला बालपणी तिच्या आईची माया मिळू शकली नाही."
या मुलांचं सांत्वन करताना मोदी म्हणाले, "म्हणूनच आज मी तुमच्या मनातल्या व्यथा, तुमच्या आतील दुःख समजू शकतो. पालकांची माया मुलांसाठी नेहमीच आधार असते. तुमच्या पालकाने तु्म्हाला आत्तापर्यंत योग्य आणि अयोग्य, चांगलं, वाईट यातला प्रत्येक फरक सांगितला, मार्गदर्शन केलं. पण आज जेव्हा ते तुमच्या सोबत नाहीत, तेव्हा तुमच्या जबाबदाऱ्या अधिक वाढतात."
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
