पंतप्रधान नरेंद्र मोदी दक्षिण आफ्रिकेतून व्हिडीओ कॉन्फरन्सिंगद्वारे चांद्रयान-3 सॉफ्ट लँडिंग कार्यक्रमात सामील होतील. 15 व्या ब्रिक्स परिषदेत सहभागी होण्यासाठी पंतप्रधान मोदी दक्षिण आफ्रिकेच्या तीन दिवसांच्या अधिकृत दौऱ्यावर आहेत.
भारतीय अंतराळ संशोधन संस्थेची (इस्रो) ही तिसरी चंद्र मोहीम आहे. चांद्रयान-3 बुधवारी संध्याकाळी 6:04 वाजता चंद्राच्या दक्षिण ध्रुवावर उतरणार आहे. लँडर लँडिंग करण्यात यशस्वी झाल्यास, या प्रदेशात अंतराळयान सॉफ्ट-लँड करण्याची ही पहिलीच वेळ असेल. यापूर्वी चंद्राच्या दक्षिण ध्रुवावर कोणत्याही देश आपले यान उतरवण्यात यशस्वी झाला नाही.
इस्रोच्या शास्त्रज्ञांनी मंगळवारी संध्याकाळी सांगितले की चांद्रयान-3 अंतराळयान सॉफ्ट लँडिंगचा प्रयत्न करण्यासाठी शेड्यूलवर आहे. स्पेस एजन्सीने सांगितले की सर्व यंत्रणा नियमित तपासण्या करत आहेत आणि लँडिंग जास्तीत जास्त सॉफ्ट व्हावी यासाठी प्रयत्न करत आहे.
दक्षिण ध्रुवावर लँडरचे सॉफ्ट-लँडिंग हे एक आव्हानात्मक काम आहे कारण हा अतिशय खडकाळ आणि डोंगराळ प्रदेश आहे.
चंद्राचे भूगर्भशास्त्र, त्याचे जलस्रोत आणि भविष्यातील मानवी शोधाची क्षमता यांचा अभ्यास करण्याचे उद्दिष्ट असलेले चांद्रयान-३ हे १४ जुलै रोजी श्रीहरिकोटा येथील सतीश धवन अंतराळ केंद्रातून प्रक्षेपित करण्यात आले. ते ५ ऑगस्ट रोजी चंद्राच्या कक्षेत दाखल झाले. या मोहिमेत लँडर, रोव्हर आणि प्रोपल्शन मॉड्यूल यांचा समावेश आहे.
सध्या भारताचे पंतप्रधान नरेंद्र मोदी दक्षिण आफ्रिकेच्या दौऱ्यावर आहेत. ते ब्रिक्सच्या परिषदेत सामील होण्यासाठी दक्षिण आफ्रिकेत गेले आहेत. मोदी जोहान्सबर्गच्या विमानतळावर उतरल्यावर हॉटेलमध्ये त्यांचे आगमन होताचं ढोलांच्या गजरात त्यांचे स्वागत करण्यात आले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
