लखनऊ: केंद्र सरकार (Central Government) आणि राज्य सरकारच्या माध्यमातून उत्तर प्रदेशमध्ये सध्या विकासकामांच्या उद्घाटनांचा धडाका सुरु आहे. पंतप्रधान मोदी (PM Narendra Modi) गेल्या काही दिवसांत अनेकदा उत्तर प्रदेशला गेले आहेत. वाराणसीच्या त्यांच्या दौऱ्याची चर्चा सुरू असतानाच पंतप्रधान नरेंद्र मोदी आज उत्तर प्रदेशाच्या (Uttar Pradesh) शाहजहांपूरमध्ये गंगा दृतगती महामार्गाची पायाभरणी करणार आहेत.
देशभरात दळणवळण वेगवान करण्याच्या पंतप्रधान नरेंद्र मोदी यांच्या दृष्टीकोणातून या दृतगती महामार्गांची निर्मिती केली जात असल्याचं पंतप्रधान कार्यालयाकडून सांगण्यात आलं आहे. जवळपास ६९४ किमी लांबीचा ६ पदरी महामार्ग तयार करण्यासाठी ३६,२०० कोटी रुपयांपेक्षा जास्त खर्च येणार आहे. मेरठमधील बिजौली गावाजवळून सुरू होणारा हा महामार्ग प्रयागराजमधील जुडापूर दांडू गावापर्यंत जातो. मेरठ, हापूर, बुलंदशहर, अमरोहा, संभल, बदाऊन, शाहजहांपूर, हरदोई, उन्नाव, रायबरेली, प्रतापगड आणि प्रयागराजला जोडण्याचं काम या महामार्गाच्या माध्यमातून होणार आहे.
दरम्यान, पश्चिम आणि पुर्व उत्तर प्रदेशला जोडणारा हा उत्तर प्रदेशचा सर्वात मोठा महामार्ग असणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
