पोलिसांनी काँग्रेस आमदाराचा हा दावा फेटाळून लावलाय.
चंदीगड : पंजाब सरकारनं (Punjab Government) अरविंद केजरीवाल (Arvind Kejriwal) यांना Z+ सुरक्षा दिली असल्याचा दावा काँग्रेस आमदार सुखपाल सिंह खैरा (Sukhpal Singh Khaira) यांनी केलाय. मात्र, पंजाब पोलिसांनी काँग्रेस आमदाराचा (Congress MLA) हा दावा फेटाळून लावलाय.
आमदार खैरा हे अखिल भारतीय किसान काँग्रेसचे अध्यक्ष आहेत. त्यांनी संरक्षित व्यक्तींची यादी प्रसिध्द केलीय. परंतु, पंजाब पोलिसांच्या (Punjab Police) प्रवक्त्यानं सांगितलं की, मीडियासमोर प्रसिध्द केलेला दस्तऐवज अधिकृत नाहीय. माजी उपमुख्यमंत्री ओपी सोनी यांनी हरियाणा उच्च न्यायालयात (Haryana High Court) दाखल केलेल्या रिट याचिकेचा हा एक भाग असल्याचं प्रवक्त्यानं नमूद केलंय.
प्रवक्त्यानं पुढं सांगितलं की, काँग्रेस नेत्यानं प्रसिध्द केलेली कागदपत्रं कोणत्याही प्रकारे पंजाब पोलिसांची अधिकृत कागदपत्रं नाहीयत. ती टाईप केलेली दस्तऐवज असल्याचं स्पष्टपणे दिसत असून त्यावर कोणतीही स्वाक्षरी, आद्याक्षरं, अधिकृत शिक्का किंवा अधिकृत प्रमाणपत्र नाहीय. ही यादी याचिकाकर्त्यानं टाईप करून रिट याचिकेसोबत जोडलेली दिसत आहे, असं त्यांनी स्पष्ट केलंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
