बंगळुरु : भारताच्या महत्वाकांक्षी चांद्रयान ३ मोहिमेतील विक्रम लँडरचं काल संध्या ६ वाजण्याच्या सुमारास चंद्रावर यशस्वी सॉफ्ट लँडिंग झालं. त्यानंतर या लँडरमधून प्रज्ञान रोव्हर बाहेर आला होता. पण आता २४ तासांनंतर या रोव्हरनं चंद्राच्या जमिनीवर चालायला सुरुवात केली आहे. इस्त्रोनं काही वेळापूर्वीच ही नवी अपडेट दिली. (Pragyan Rover moonwalk begins ISRO on Chandrayaan 3 mission)
इस्त्रोनं ट्विट करुन रोव्हरनं आपलं काम सुरु केल्याचं ट्विट केलं. यामध्ये म्हटलं की, "चांद्रयान ३ रोव्हर टू एमओएक्स, ISTRAC, मून वॉक सुरु" असं ट्विटमध्ये म्हटलं आहे. तत्पूर्वी इस्त्रोनं यापूर्वी लँडर इमेजर कॅमेरानं चंद्रावर उतरण्याआधीच्या क्षणाचे काढलेले फोटो शेअर केले होते.
प्रज्ञान रोव्हर हे सुरुवातीला आजूबाजूच्या परिस्थितीचा अंदाज घेईल. त्यानंतर चंद्रावरील संशोधन प्रक्रिया सुरू करण्यात येईल. या मोहिमेचा हा एक महत्त्वाचा भाग आहे. चंद्राच्या पृष्ठभागावर सॉफ्ट लँडिंग करून भारताने या मोहिमेतील एक उद्दिष्ट पूर्ण केलं. यानंतर तेथील जमीनीवर पाण्याचा शोध घेणं, आणि खनिजांचा अभ्यास करणं हे उद्दिष्ट प्रज्ञान रोव्हर पूर्ण करणार आहे.
दरम्यान, पृथ्वीवरील उड्डाणानंतर चांद्रयान ३ हे चाळीस दिवसांनंतर बुधवारी संध्याकाळी चंद्राच्या दक्षिण ध्रुवावर उतरलं. यानंतर भारतानं इतिहास घडवत चंद्राच्या दक्षिण ध्रुवावर यान उतरवणारा पहिला देश ठरला आहे. तसेच चंद्रावर सॉफ्ट लँडिंग करणारा जगातील चौथा देश ठरला. यापूर्वी ही कामगिरी, अमेरिका, रशिया आणि चीन या देशांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
