सबस्क्राईब करा
बारासात : ‘‘तृणमूल काँग्रेसने इतर मागासवर्गीयांचा विश्वासघात केला आहे. लाखो युवकांना राज्यघटनेने दिलेला अधिकार तृणमूल काँग्रेसने एका रात्रीत हिरावून घेतला आणि ‘व्होट जिहाद’ करणाऱ्यांना दिला’’ असा आरोप पंतप्रधान नरेंद्र मोदी यांनी मंगळवारी पश्चिम बंगालमधील २४ परगणा जिल्ह्यातील अशोकनगर येथील सभेदरम्यान केला.
मुख्यमंत्री ममता बॅनर्जी यांच्या सरकारने मुस्लिमांमधील ७७ समूहांना ओबीसी अंतर्गत दिलेले आरक्षण कलकत्ता उच्च न्यायालयाने नुकतेच रद्द ठरविले आहे, त्याचा संदर्भ देत पंतप्रधान नरेंद्र मोदी यांनी ममता यांच्यावर टीका केली. तृणमूल काँग्रेसने लाखो युवकांना राज्यघटनेने दिलेला अधिकार एका रात्रीत हिरावून घेत व्होट जिहाद करणाऱ्यांना दिला’’ असा आरोप पंतप्रधान मोदी यांनी केला.
आरक्षणाबाबत निकाल देणाऱ्या न्यायाधीशांच्या घरी तृणमूलने गुंड वगैरे पाठविले की काय हे पाहायला हवे, असेही मोदी म्हणाले. ‘‘न्यायालयाचा निकाल आल्यानंतर तृणमूलच्या मुख्यमंत्र्यांनी त्याला ज्या पद्धतीने विरोध केला ते ऐकून मला धक्का बसला. जो कोणी त्यांचे पितळ उघडे पाडेल त्यांना लक्ष्य करत आहे. असा दावाही पंतप्रधान मोदी यांनी केला.
‘भाजप नेहमीच अत्याचार करणाऱ्यांचे समर्थन करतो’, असा आरोप करून काँग्रेस नेते राहुल गांधी यांनी पंतप्रधान नरेंद्र मोदी यांनी कायद्याचे राज्य संपविल्याचा आरोप केला आहे. मध्यप्रदेशात एका दलित परिवारावर भाजपच्या नेत्यांनी केलेल्या अत्याचारावर ‘एक्स’ या सोशल मीडियावर व्यक्त होताना राहुल गांधी यांनी ही टीका केली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.