देशभरात आज रक्षाबंधनचा सण साजरा केला जात आहे. यापार्श्वभूमिवर काँग्रेसच्या नेत्या प्रियंका गांझी यांनी आज आपले बंधु आणि विरोधीपक्ष नेते राहुल गांधी यांना शुभेच्छा दिल्या आहेत. त्यांनी सोशल मीडिया प्लॅटफॉर्म एक्सवर काही जुने फोटो शेअर केले आहेत. प्रियंका गांधी यांनी शेअर केलेल्या या फोटो कोलाजमधील एका फोटोत त्या आणि राहुल गांधी एका छोटयाशा गाडीसोबत खेळताना दिसत आहेत. तर दुसऱ्या एका फोटोमध्ये त्यांचे वडील आणि माजी पंतप्रधान राजीव गांधी यांच्या सोबतचा फोटो देखील शेअर केला आहे.