Avtar Khand: लंडनमध्ये खलिस्तानी झेंडा फडकवणाऱ्या मास्टरमाइंडचा मृत्यू, कारण अस्पष्ट

लंडनमध्ये खलिस्तानी झेंडा फडकवणाऱ्या मास्टरमाइंडचा मृत्यू झाल्याची माहिती समोर आली आहे. मात्र, त्याच्या मृत्यूचे कारण अद्याप समजू शकले नाही. खलिस्तान लिबरेशन फोर्स या दहशतवादी संघटनेचा स्वयंघोषित प्रमुख अवतार सिंग खांडा याचे आज बर्मिंगहॅम येथील सँडवेल रुग्णालयात निधन झाले. (Pro-Khalistan activist Avtar Singh Khanda dies in UK hospital )

लंडनमधील भारतीय उच्चायुक्तालयात 19 मार्च रोजी झालेल्या हिंसाचाराचा तो मुख्य सूत्रधार होता. मृत्यूचे कारण अद्याप समजू शकले नाही, मेडिकल रिपोर्ट अजून आला नाही.

अवतार सिंह खांडाला गंभीर आजाराचे निदान झाल्यानंतर रुग्णालयात दाखल करण्यात आले होते. (Latest Marathi News)

खांडाला अनेक दिवस लाइफ सपोर्ट सिस्टीमवर ठेवण्यात आले होते, मात्र त्यांच्या प्रकृतीत कोणतीही सुधारणा झाली नाही. दरम्यान, त्याच्या मृत्यू झाल्याची माहिती समोर आली आहे.

खांडा यांना रणजोध सिंग या नावानेही ओळखले जात होते. त्याने अनेक वेळा यूकेमध्ये स्वत:साठी राजकीय निर्वासित दर्जा मागितला होता. त्याचे वडील देखील खलिस्तानी दहशतवादी होते, ज्यांना 1991 मध्ये सुरक्षा दलांनी मारले होते. एवढेच नाही तर खांडाच्या आईचे आणखी एक खलिस्तानी दहशतवादी गुरजंत सिंग बुद्ध सिंगवाला यांच्याशीही संबंध होते. (Latest Marathi News)

ब्रिटनमधून मिळालेल्या माहितीनुसार, खांडाच्या समर्थकांना मेडिकल रिपोर्टमध्ये विषबाधा झाल्याचे सूचित करायचे आहे, जेणेकरून ते त्याला शहीद घोषित करू शकतील आणि भारतीय सुरक्षा यंत्रणांवर हत्येचा आरोप करू शकतील. मात्र, खांदा ब्लड कॅन्सरने त्रस्त होता आणि त्याला सँडवेल आणि वेस्ट बर्मिंगहॅम हॉस्पिटलमध्ये दाखल करण्यात आले होते.(Latest Marathi News)

राष्ट्रीय तपास संस्थेने 19 मार्च रोजी नियोजित आंदोलनादरम्यान लंडन उच्चायुक्तालयात भारतीय ध्वजाची विटंबना करणारा मुख्य आरोपी म्हणून खांदा याची ओळख पटवली आहे. दरम्यान, इतर खलिस्तानी सहानुभूतीदारांप्रमाणे खांदा हा विद्यार्थी व्हिसाद्वारे ब्रिटनमध्ये दाखल झाला आणि लगेच ब्रिटनमधील काही प्रमुख गुरुद्वारांमध्ये कार्यरत असलेल्या फुटीरतावादी दलामध्ये सामील झाला. या गुरुद्वारांचे व्यवस्थापन खलिस्तानी समर्थकांद्वारे केले जाते.