मोहाली: दिल्लीचे मुख्यमंत्री तसेच आम आदमी पक्षाचे राष्ट्रीय समन्वयक अरविंद केजरीवाल यांनी बुधवारी राहुल गांधींवर निशाणा साधला आहे. केजरीवाल यांनी असा दावा केला आहे की, 'काँग्रेस नेते त्यांना दहशतवादी म्हणतात.' मोहालीमध्ये एका प्रचारसभेला संबोधित करताना केजरीवाल यांनी म्हटलंय की, राहुल गांधींना (Rahul Gandhi) 20 फेब्रुवारीला याबाबत कळेल. राहुल गांधींनी मंगळवारी केजरीवाल यांच्यावर निशाणा साधला. त्यांनी आरोप करत म्हटलंय की, केजरीवाल (Arvind Kejriwal) दहशतवाद्यांबाबत सहानुभूती ठेवतात तसेच राष्ट्रीय सुरक्षेच्या मुद्यांवर त्यांच्यावर विश्वास ठेवला जाऊ शकत नाही. (Punjab Assembly Election 2022)
बरनालामधील प्रचारसभेमध्ये राहुल गांधींनी म्हटलंय की, काहीही होवो, काँग्रेसचा कोणताही नेता कधीच कोणत्या दहशतवाद्याच्या घरी जाणार नाही. मात्र, झाडूचे सर्वांत मोठे नेते दहशतवाद्यांच्या घरी जाताना पाहिले जाऊ शकतात. हे सत्य आहे. 2017 च्या विधानसभा निवडणुकीच्या दरम्यान केजरीवाल यांनी एका पूर्वीच्या खलिस्तानी दहशतवाद्याच्या घरामध्ये रात्री राहिले होते. राहुल गांधी यांनी आपल्या सभेमध्ये याचा हवाला दिला.
पंजाबमध्ये 20 फेब्रुवारीला मतदान
पंजाबमध्ये विधानसभेच्या 117 जागांसाठी 20 फेब्रुवारी रोजी मतदान होणार आहे. निवडणुकीची तारीख जसजशी जवळ येत आहे, तसतसे राजकीय पक्ष एकमेकांवर कठोर टीका करताना दिसत आहेत. बुधवारी पंतप्रधान मोदींची पठानकोटमध्ये सभा होती. त्यांनी संबोधित करताना आप आणि काँग्रेस दोन्ही पक्षांवर हल्लाबोल केला. पंतप्रधानांनी टीका करताना म्हटलंय की, काँग्रेस ओरीजिनल आहे आणि आम आदमी पक्ष हा त्याची फोटोकॉपी आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
