नवी दिल्ली : ट्विटरला सरकारचा मोहरा बनू देऊ नका, असं काँग्रेसचे ज्येष्ठ नेते राहुल गांधी (Rahul Gandhi) यांनी म्हटलंय. तसेच माझं ट्विटर अकाऊंट कुठलंही वैध कारण न देता ब्लॉक करण्यात आलंय. मोदी सरकारच्या दबावाखाली येऊन ट्विटर हे करतंय, असा आरोप राहुल गांधींनी केला आहे. याबाबत त्यांनी ट्विटरचे सीईओ पराग अग्रवाल (Rahul Gandhi Letter To Twitter CEO) यांनी पत्र लिहिले आहे.
सरकारच्या काही धोरणांवर टीका-टीप्पणी केल्याचे काही व्हिडिओ आणि फोटो दडपण्यात आल्याचा आरोप राहुल गांधींनी केला आहे. या पत्रात त्यांनी काही डेटा विश्लेषण देखील दिले आहे. ट्विटर मोदी सरकारच्या दबावाखाली माझे फॉलोअर्स वाढू न देण्यासाठी प्रयत्न करतंय. ऑगस्ट २०२१ मध्ये माझं अकाऊंट कुठलंही कारण न देता ब्लॉक करण्यात आलं. त्यावेळी जितके फॉलोअर्स होते तितकेच आजही आहेत. अजून फॉलोअर्स वाढलेले नाहीत, असंही पत्रामध्ये म्हटलंय. याबाबत एडीटीव्हीनं वृत्त दिलं आहे.
राहुल गांधींनी दिल्लीतील बलात्कार पीडितेच्या कुटुंबाचे फोटो ट्विट केल्यानं त्यांचं अकाऊंट वादात सापडलं होतं. तसेच पीडितेच्या कुटुंबीयांचा फोटो ट्विट करून त्यांनी कायद्याचं उल्लंघन केल्याचा आरोप भाजपने केला होता. त्यानंतर परत त्यांचं अकाऊंट एक आठवड्यासाठी ब्लॉक करण्यात आलं होतं. कृषी कायदे आणि सरकारच्या इतर धोरणाविरोधात वारंवार टीका करत असल्यानं ट्विटर सरकारच्या दबावाखाली येऊन माझ्या अकाऊंटवर कारवाई करत असल्याचा आरोप राहुल गांधींनी केला आहे.
दरम्यान, राहुल गांधी यांच्या कार्यालयाचे डिजिटल कम्युनिकेशनचे प्रभारी, श्रीवत्स वायबी यांनी वृत्तपत्राशी बोलताना सांगितले होते की, ट्विटरकडून आम्हाला देण्यात आलेलं स्पष्टीकरण समाधानकारक नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
