नागपूरः काँग्रेस नेते राहुल गांधी यांच्या उपस्थितीमध्ये नागपूरमध्ये काँग्रेसचा स्थापना दिवस साजरा करण्यात आला. यावेळी आयोजित सभेला संबोधित करताना राहुल गांधींनी काँग्रेस आणि भाजप या पक्षांमधला फरक सांगितला आणि देशात हुकूमशाही सुरु असल्याची टीका केली.
राहुल गांधी म्हणाले की, मोदी यांची विचारधारा राजेशाही आहे. काँग्रेस पक्षामध्ये एक लहान कार्यकर्ता कोणत्याही नेत्याला टोकू शकतो.. मीही मी त्यांचं ऐकतो, त्यांचा आदर करतो.. भलेही मी त्यांच्याशी मताशी सहमत नसेल परंतु मी त्यांचं ऐकतो; असं म्हणत त्यांनी दोन्ही पक्षांमधला फरक विषद केला. भाजपमध्ये कार्यकर्त्यांची गुलामगिरी सुरु असल्याचाही आरोप त्यांनी केला.
''लोक म्हणतात काँग्रेस ने काय केले? स्वातंत्र्यापूर्वी देशामध्ये 500 ते 600 राजे होते.. इंग्रज होते. देशातील लोकांना कुठलाच अधिकार नव्हता, गरीब व्यक्तीची जमीन आवडली तर राजा घेत होता. त्यानंतर डॉ. बाबासाहेब आंबेडकर यांनी जनतेला अधिकार दिले, या देशामध्ये लोकशाही व्यवस्था प्रस्थापित केली.''
राहुल गांधी पुढे म्हणाले की, राष्ट्रीय स्वयंसेवक संघाचे लोक संविधानविरोधी आहेत. ते तिरंग्याला सलामी देत नव्हते, मात्र आपल्याला सर्व अधिकार संविधानाच्या माध्यमातून मिळाले आहेत. सर्वांना एक मत देण्याचा अधिकार संविधानाने दिला आहे, याची जाणीव त्यांनी ठेवली पाहिजे.
गांधी म्हणाले, मीडियाला पाहून घ्या.. लोकशाहीची सेवा करत आहेत, असं वाटतं का? मीडियावाल्यांना विचारा, मनात जे आहे ते मीडियावर बोलू शकत नाहीत. दुसरीकडे सीबीआय आणि ईडीचा दबाव आहेच. त्यामुळे देशातील जनतेला शक्ती देण्याचा आम्ही प्रयत्न करतोय. युवकांना व्हिजन देण्याचं काम काँग्रेसने केल्याचा दावा राहुल गांधींनी केला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
