लंडनहून परतल्यानंतर राहुल गांधी आज संसदेच्या कामकाजात सहभागी होणार आहेत.
केंद्रीय मंत्री किरेन रिजिजू (Kiren Rijiju) यांनी आज राहुल गांधींवर निशाणा साधत त्यांनी माफी मागावी, अशी मागणी केलीये. राहुल गांधींनी (Rahul Gandhi) लंडनमध्ये केलेल्या वक्तव्यावरुन भाजप माफीची मागणी करत आहे.
या मुद्द्यावरून सभागृहातही प्रचंड गदारोळ सुरू आहे. मीडिया रिपोर्ट्सनुसार, राहुल गांधी आज (गुरुवार) संसदेत येऊ शकतात.
दरम्यान, अशा परिस्थितीत माध्यमांशी बोलताना कायदा मंत्री किरेन रिजिजू यांनी राहुल गांधींनी माफी मागावी, अशी मागणी केलीये.
रिजिजू म्हणाले, 'राहुल गांधींनी देशाची बदनामी केलीये. देशाचे नागरिक म्हणून आम्ही गप्प बसू शकत नाही. लंडनच्या चर्चासत्रात राहुल गांधी जे बोलले त्याबद्दल त्यांनी माफी मागावी.
त्यांनी लोकशाही, न्यायव्यवस्था आणि देशाचा अपमान केला आहे. देशाच्या विरोधात बोलणाऱ्यांविरोधात आवाज उठवला पाहिजे.'
लंडनहून परतल्यानंतर राहुल गांधी आज संसदेच्या कामकाजात सहभागी होणार आहेत. यादरम्यान ते लंडनमध्ये दिलेल्या भाषणावरून सुरू असलेल्या वादावर बोलू शकतात.
राहुल गांधी लंडनमधील एका कार्यक्रमादरम्यान म्हणाले होते, भारतात लोकशाही धोक्यात आली आहे. राहुल गांधींच्या या वक्तव्यावर चांगलाच गदारोळ सुरू असून, सत्ताधारी भाजप या वक्तव्यावर राहुल गांधींनी माफी मागावी, अशी मागणी करत आहे.
याच पार्श्वभूमीवर आता इंडियन ओव्हरसीज काँग्रेसचे प्रमुख सॅम पित्रोदा (Sam Pitroda) यांचीही प्रतिक्रिया समोर आलीये.
पित्रोदा म्हणाले, 'राहुल गांधींनी माफी मागावी लागेल असं काहीही बोललं नाही. भारतासारख्या लोकशाहीत प्रत्येकाला आपले विचार मांडण्याचा अधिकार आहे.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
