नवी दिल्ली - लोकसभेचे खासदार आणि काँग्रेस नेते शशी थरूर यांनी विरोधकांच्या ऐक्याबाबत वक्तव्य केलं आहे. विरोधकांच्या ऐक्याच्या एक्याचं स्वागत करताना ते म्हणाले की, काँग्रेस इतर पक्षांसाठी केंद्रबिंदू राहील, परंतु जर ते पक्षनेतृत्वात असते तर त्यांनी 2024 च्या सार्वत्रिक निवडणुकीत भारतीय जनता पक्षाला टक्कर देण्यासाठी विरोधी आघाडी उभारण्यास अधिक कष्ट घेतले असते.
काँग्रेस नेते शशी थरूर यांनी एका मुलाखतीत म्हटले आहे की, 2019 च्या मानहानी प्रकरणात दोषी ठरल्यानंतर राहुल गांधी यांना लोकसभेतून अपात्र ठरविण्यात आल्याने विरोधकांच्या एकतेची आश्चर्यकारक लाट निर्माण झाली आहे. ऐक्य आपल्याला मजबूत बनवते आणि विभाजन आपल्याला कमकुवत करते, याचे महत्त्व अनेक विरोधी पक्षांना समजू लागले आहे. बहुतांश विरोधी पक्षांनी एकत्र येऊन एकमेकांची मते कापणे बंद करण्याचे नियोजन केले तर २०२४ च्या निवडणुकीत भाजपला बहुमत मिळणे कठीण होऊ शकते, असही थरूर यांनी म्हटलं.
काँग्रेस नेते दिग्विजय सिंह यांनी राहुल गांधी यांना लोकसभा सदस्यत्व अपात्र ठरविल्याची दखल घेतल्याबद्दल जर्मनीचे आभार मानणाऱ्या ट्विटबाबत विचारले असता थरूर म्हणाले की, मी असतो तर आपल्या पक्षाच्या वरिष्ठ नेत्याला तसे न बोलण्याचा सल्ला दिला असता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
