भारताला काँग्रेस पक्षचं व्हिजन देऊ शकतो - राहुल गांधी

नवी दिल्ली : भारताला एका नवीन व्हिजनची आवश्यकता आहे. भारताला व्हिजन काँग्रेस पक्षचं देऊ शकतो. लहान-लहान राजकीय पक्ष ते देऊ शकत नाहीत, असे खासदार तथा काँग्रेस नेते राहुल गांधी (Rahul Gandhi) म्हणाले. पुढे भारतीय जनता पक्षावर टीका करताना ते म्हणाले, की भाजपाचे (BJP) व्हिजन म्हणजे देशाचे व्हिजन नव्हे. जर उत्तर प्रदेशला एक नवीन व्हिजन दिले गेले नाही, तर भारताला एक नवीन व्हिजन दिले जाऊ शकत नाही. सध्या उत्तर प्रदेश, उत्तराखंड, पंजाब, गोवा आणि मिझोराम या पाच राज्यांची रणधुमाळी सुरु आहे. काँग्रेसने उत्तर प्रदेशसाठी निवडणूक जाहीरनामा प्रसिद्ध केला आहे. पक्षाने ४० टक्के जागांवर महिलांना विधानसभेचे तिकिट दिले आहे.(Rahul Gandhi Says, Congress Party Can Give Vision To India)

काँग्रेस (Congress Party) शासित राजस्थानमध्ये महिलांवर अत्याचार होत आहेत. आणि युपीत पक्ष ढोंग करित असल्याची टीका भाजपकडून करण्यात आला आहे. उत्तर प्रदेशात तर पक्षांतराचे वारे वाहत आहे. अनेकांनी भाजपाचा राजीनामा देऊन समाजवादी पक्षात प्रवेश केला आहे. दुसरीकडे यादव कुटुंबातील सदस्याने भाजपमध्ये प्रवेश केला आहे.