"जर मोदींकडे संवेदनशील मन असतं..."; महागाईवरुन राहुल गांधींचा चिमटा

दिवाळी सुरु होण्यापुर्वीच पेट्रोल, डिझेल, गॅस अशा सर्व इंधानांचे दर वाढत असल्याने देशातील सर्व सामान्य माणसाला सध्या महागाईचा मोठा फटका बसतोय. त्यातच पेट्रोलचे दर दिवसेंदिवस वाढत जात असल्याने लोकांमध्ये विरोधी पक्षांकडून केंद्र सरकारवर वारंवार टीका होताना दिसते आहे. त्यातच आज काँग्रेस नेते राहुल गांधी यांनी देखील यावरून आपली प्रतिक्रीया व्यक्त केली आहे. 'काश मोदी सरकार के पास जनता के लिए एक संवेदनशील दिल होता' असं म्हणत त्यांनी पंतप्रधान नरेंद्र मोदींवर देखील निशाणा साधला.

देशात होणारी महागाईमुळे सर्वसामान्य माणुस भरडला जात असल्याचं पाहायला मिळतंय. यावरून राहुल गांधी यांनी ट्विट करत आपली प्रतिक्रीया व्यक्त केली. दिवाळी आहे, महागाईनं कळस गाठला आहे, ही विनोदाची बाब नाही असं म्हणत राहुल गांधी यांनी ही गोष्ट गंभीर असल्याचं सांगितलं आहे.

दरम्यान, पेट्रोलचे भाव हे सध्या अनेक ठिकाणी ११५ रुपये लिटर पर्यंत पोहोचले असून, याचे वेगवेळ्या गोष्टींवर परिणाम होत असल्याने भाव वाढ होताना दिसते आहे.