होळीनिमित्त प्रवाशांना रेल्वे प्रशासानाकडून भेट; असे असेल वेळापत्रक

नवी दिल्ली : मार्च महिन्यात होळी हा सण खूप मोठ्या उत्साहात साजरा केला जातो. उत्तर भारतीयांची होळीला गावी जाण्याची धांदल सुरु होते. भारतात कोरोना (Corona) रूग्णांच्या संख्येत घट झाल्यानंतर आता बहुतांश ठिकाणी अनलाॅक करण्यात आले आहे. त्यामुळे कोरोना कालावधीनंतर आता या सणाला खूप महत्त्व प्राप्त झाले आहे. गावी जाण्यासाठी आतापासूनच अनेकांनी ट्रेन (Railway), बस आणि विमानाची तिकिटे बुक करण्यास सुरुवात केली आहे. तर काहींनी महिना आधीच बुक केली आहेत. ऑफीस वर्क करणारे आधीच सुट्टीचे नियाजन करतात. पण रेल्वे तिकीट (Train Ticket) कन्फर्म न झाल्यामुळे तुम्हाला प्लॅन रद्द करावा लागू शकतो. यासाठी शासनाने तुमच्यासाठी खास स्पेशल रेल्वेची तरतूद केली आहे. ती नेमकी ट्रेन कोणती आहे, कोणत्या मार्गाने जाणार याविषयी जाणून घेऊया..

मुंबई आणि बलिया स्पेशल ट्रेन

मुंबई (Mumbai) आणि बलिया या ठिकाणाहून तुम्हाला ट्राय-वीकली स्पेशल लोकमान्य टिळक टर्मिनस (Lokmanya Tilak Terminus) ट्रेन क्रमांक ०१००१ तारीख सात ते तीस मार्चपर्यंत दर सोमवारी, बुधवार आणि शुक्रवारी सुटेल. तर ट्रेन क्रमांक ०१००२ ट्राय-साप्ताहिक विशेष गाडी ९ मार्च ते १ एप्रिल या कालावधीत दर बुधवार, शुक्रवार आणि रविवारी बलिया येथून सुटेल.

काय असेल सुविधा

या गाड्यांमध्ये एक एसी टू टायर, सहा एसी थ्री टायर, ११ स्लीपर क्लास आणि पाच जनरल सेकंड क्लास डबे असतील. तसेच कल्याण, नाशिकरोड, भुसावळ, हरदा, इटारसी, राणी कमलापती, बिना, ललितपूर, टिकमगढ, खरगपूर, छतरपूर, खजुराहो, महोबा, बांदा, चित्रकूटधाम कारवी, माणिकपूर, प्रयागराज, ज्ञानपूर रोड, वाराणसी, मसूर, ए. आणि रासरा असा थांबा असेल.

मुंबई सेंट्रल आणि वांद्रे टर्मिनस यांचा निर्णय

होळीच्या सणादरम्यान प्रवासाची मागणी पूर्ण करण्यासाठी पश्चिम रेल्वेने मुंबई सेंट्रल आणि वांद्रे टर्मिनस येथून विशेष भाड्यावर होळी स्पेशल सुपरफास्ट ट्रेन सुरू करण्याचा निर्णय घेतला आहे. याबाबत पश्चिम रेल्वेच्या अधिकृत ट्विटरवरून अकौंटवर ट्विट केले आहे. २ मार्च पासून बुकिंग करण्यासाठी PRS काउंटर आणि IRCTC वेबसाइटवर करू शकता. यामध्ये ०९०३९,०९०३५,आणि ०९००६ या गाडींचे तुम्ही बुकिंग करू शकता.