महाराष्ट्र आणि गुजरातमध्ये मुसळधार पावसानं थैमान घातलंय.
नवी दिल्ली : महाराष्ट्र (Maharashtra) आणि गुजरातला (Gujarat) पावसानं (Heavy Rain) झोडपून काढल्यानंतर आता उत्तर भारतावर पावसाचे ढग दाटून आलेत. हिमाचल प्रदेश, उत्तराखंड, पंजाब, हरियाणा, जम्मू-काश्मीर आणि राजस्थानमध्ये येत्या तीन दिवसांत मोठ्या प्रमाणात पाऊस पडण्याची शक्यता हवामान खात्यानं (Indian Meteorological Department, IMD) वर्तवलीय. उत्तर प्रदेशातही या काळात काही ठिकाणी पाऊस पडेल, असाही अंदाज आहे.
IMD नं हिमाचलमध्ये 16 जुलै, राजस्थानमध्ये (Rajasthan) 17 जुलै, पंजाब आणि हरियाणामध्ये 19 जुलै, उत्तराखंडमध्ये 16 आणि 17 जुलैला मुसळधार पावसाचा अंदाज वर्तवलाय. 18 जुलै रोजी पूर्व उत्तर प्रदेशातही चांगला पाऊस होण्याची शक्यता आहे. राजस्थानमध्ये 16, हिमाचल आणि यूपीमध्ये 19, उत्तराखंडमध्ये 18 आणि 19 तारखेला काही भागात मुसळधार पाऊस पडू शकतो, असंही म्हटलंय.
महाराष्ट्र आणि गुजरातमध्ये मुसळधार पावसानं थैमान घातलं असून कालपासून पावसाचा जोर ओसरलाय. छत्तीसगड, विदर्भ, मध्य प्रदेश, ओडिशा, गोवा, केरळ आणि किनारी कर्नाटकात पुढील 5 दिवसांत मुसळधार पाऊस पडण्याची शक्यता आहे, असं आयएमडीनं म्हटलंय. त्याचप्रमाणं 16 जुलै रोजी तामिळनाडू, पाॅंडेचेरी आणि कराईकलमध्ये जोरदार पावसाचा अंदाज आहे. स्कायमेटच्या म्हणण्यानुसार, ईशान्य अरबी समुद्र आणि गुजरातच्या लगतच्या किनारी भागात चक्रीवादळ प्रणाली कायम आहे. त्याच्या प्रभावाखाली गुजरात किनारपट्टीच्या पश्चिम भागात कमी दाबाचे क्षेत्र तयार होण्याची शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
