सबस्क्राईब करा
नवी दिल्ली- मुसळधार पावसामुळे दिल्लीच्या इंदिरा गांधी आंतरराष्ट्रीय विमानतळाचे छत शुक्रवारी कोसळले होते. यात एकाचा मृत्यू झाला होता. शनिवारी अशाच प्रकारचा अपघात घडला आहे. गुजरातच्या राजकोट विमानतळाचे छताचा एक भाग कोसळून खाली पडला आहे. पीटीआयने यासंदर्भातील माहिती दिली आहे.
मुसळधार पावसामुळे विमानतळ टर्मिनलच्या बाहेरील पॅसेंजर पिकअप आणि ड्रॉप भागातील छताचा भाग कोसळला. जुलै २०२३ मध्ये याचे लोकार्पण झाले होते. सुदैवाने अपघातावेळी याठिकाणी कोणी उपस्थित नव्हते. त्यामुळे मोठी दुर्घटना टळली. दिल्लीमध्ये घटनेत एका कॅब ड्रायव्हरचा मृत्यू झाला होता आणि काहीजण जखमी झाले होते.
दिल्ली विमानतळावर टर्मिनल-१ वर छत कोसळले होते. यात सहा जण जखमी झाले होते. एका कॅब ड्रायव्हरचा उपचारादरम्यान मृत्यू झाला होता. या अपघातानंतर नागरी उड्डाण मंत्रालयाने शुक्रवारी सर्व विमानतळांना स्ट्रक्चरल ऑडिट करण्याचा आदेश दिला आहे. पुढील चार ते पाच दिवसांत निरीक्षण पूर्ण करून अहवाल मंत्रालयाला पाठवायचा आहे. दिल्लीतील शुक्रवारच्या घटनेने काही प्रमाणात विमान सेवेवर परिमाण झाला होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
