Parliament Session:
नवी दिल्ली- लोकसभेत विरोधकांचा गोंधळ अद्यापही सुरुच आहे. यामुळे अस्वस्थ झालेल्या राजनाथ सिंहाना आपली समोरची खुर्ची सोडून पाठीमागील खुर्चीवर जाऊन विधेयक सादर करण्याची वेळ आली. याआधी विरोधकांच्या सभागृहातील गोंधळामुळे लोकसभा अध्यक्ष नाराज झाले होते, त्यांनी सभागृहात येण्यासही नकार दिला होतो. त्यानंतर आता राजनाथ सिंहांनीही विरोधकांच्या गोंधळामुळे नाराजी व्यक्त केली आहे.
लोकसभेत विधेयक सादर करुन त्यावर राजनाथ सिंह बोलणार होते, पण विरोधकांनी गोंधळ घालायला सुरुवात केली. विरोधकांनी सभागृहाच्या मोकळ्या जागेत येऊन गोंधळ घालायला सुरुवात केली. यावेळी अध्यक्षांनी विधेयक सादर करण्यास सांगितले तेव्हा सिंह यांनी पाठीमागे जाऊ देण्याची विनंती केली. राजनाथ सिंह म्हणाले की, महोदय समोर मोठा गोंधळ होत आहे. त्यामुळे परवानगी असेल तर मी पाठीमागे जाऊन माझं म्हणणं मांडू इच्छीतो.
महोदय, अशा गोंधळाच्या परिस्थितीत माझ्याकडून मुद्दा मांडणं अशक्य आहे. मी याठिकाणी बोलू शकत नाही, असं सिंह म्हणाले. त्यांनी उपाध्यक्ष राजेंद्र अग्रवाल यांच्याकडे पाठीमागे जाऊ देण्याची विनंती केली. सिंह पाठीमागे जात होते तेव्हा अनेक खासदारांनी त्यांना आपली खुर्ची देण्याची तयारी दाखवली, पण त्यांनी पाठीमागे जाऊन संसदेत आपलं म्हणणं मांडलं. यानंतर अग्रवाल यांनीही विरोधकांच्या वागण्यावर टीका केली. एखाद्याला पाठीमागे जाऊन बोलावं लागणं योग्य नाही असं ते म्हणाले.
लष्कर सुरक्षेसंबंधी विधेयक सिंह यांनी लोकसभेत मांडलं. ते म्हणाले की, 'देशातील लष्कर सुधारणेत आपण एक महत्वाचं पाऊल टाकलं आहे. हे विधेयक आपल्या तिन्ही दलांना सक्षम करेल. तसेच त्यांचे एकीकरण आणि एकजुटता वाढवेल. त्यामुळे भविष्यातील आव्हानांना आपण सक्षमपणे सामोरे जाऊ शकू'. दरम्यान, विरोधकांनी मणिपूर हिंसाचार प्रकरणावरुन लोकसभेत गोंधळ घालणे सुरुच ठेवले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.