Ram Mandir Pran Pratishtha : अयोध्येत २२ जानेवारी रोजी प्राणप्रतिष्ठा कार्यक्रम होणार आहे. यापूर्वी उत्तर प्रदेश एटीएसने मोठी कारवाई केली आहे. उत्तर प्रदेश एटीएसने अयोध्येत अर्श डल्ला गँगशी संबंधित तीन संशयितांना ताब्यात घेण्यात आले आहे.
दरम्यान यूपी एटीएस आणि इंटेलिजन्सचे अधिकारी या तीन संशयितांची चौकशी करत आहेत. गुरुवारी संशयितांना ताब्यात घेण्यात आले. त्यांचे खलिस्तानी दहशतवादी संघटनांशी संबंध असल्याच्या संशयाचा तपास केला जात आहे. डीजी प्रशांत कुमार यांनी सांगितले की, आतापर्यंतच्या तपासात त्यांचे कोणत्याही दहशतवादी संघटनेशी संबंध असल्याची पुष्टी झालेली नाही. दरम्यान ताब्यात घेतलेल्या तरुणांपैकी दोन तरुण राजस्थानमधील सीकर भागातील रहिवासी असल्याचे सांगण्यात येत आहे.
प्राणप्रतिष्ठा सोहळ्यासाठी पंतप्रधान नरेंद्र मोदी उपस्थित असणार आहेत, यासोबतच देशभरातील अनेक दिग्गज मान्यवरांना देखील आमंत्रणे पाठवण्यात आली आहेत. या पार्श्वभूमिवर अयोध्योत मोठ्या प्रमाणात सुरक्षा बंदोबस्त ठेवण्यात आला आहे.
22 जानेवारीला होणारा प्राणप्रतिष्ठा सोहळा लक्षात घेऊन उत्तर प्रदेशात सुरक्षा व्यवस्था कडक करण्यात आली आहे. अयोध्येतील लता मंगेशकर चौकात उत्तर प्रदेशचे दहशतवादविरोधी पथक (एटीएस) कमांडो तैनात करण्यात आले आहेत. उत्तर प्रदेश पोलिसांनी 360-डिग्री सुरक्षा कव्हरेज प्रदान करण्यासाठी अँटी-माइन ड्रोन देखील तैनात केले आहेत.
राम मंदिर ट्रस्ट अधिकाऱ्यांनी दिलेल्या माहितीनुसार विधी 21 जानेवरी पर्यंत सुरू राहतील आणि प्राण प्रतिष्ठेच्या दिवशी 212 आचार्य विधीचे संचालन करतील. राम मंदिर प्राणप्रतिष्ठा कार्यक्रम 22 जानेवारी रोजी दुपारी 12 वाजून 20 मिनीटांनी सुरू होईल आणि दुपारी एक वाजता पूर्ण होईल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
