रामदेव बाबांनी घेतला अक्षयकुमारचा आधार

नवी दिल्ली - योगगुरु रामदेव बाबा (Ramdev Baba) आणि ‘आयएएम’ (IAM) यांच्यात वाद (Dispute) सुरु असतानाच रामदेव बाबा यांनी अभिनेता अक्षयकुमार (Akshaykumar) याचे आयुर्वेदाला (Ayurved) पाठिंबा (Support) देणारे जुने व्हिडिओ (Video) प्रसिद्ध केले. शरीराचा असा कोणताच आजार नाही की त्याचा उपचार या पारंपरिक पद्धतीत नाही, असे अक्षयकुमारने या व्हिडिओंमधून सांगितले आहे. (Ramdev Baba Took the Support of Akshay Kumar)

बाबा रामदेव आणि ॲलोपथी डॉक्टर यांच्यात सध्या वाद सुरू आहे. आयुर्वेदिक उपचार पद्धतीच्या समर्थनासाठी त्यांनी पूर्वी अभिनेता आमीर खान याच्याही जुन्या व्हिडिओंचा आधार घेतला होता. आता त्यांनी काही वर्षांपूर्वी अक्षयकुमारने ट्विटरवर शेअर केलेल्या दोन व्हिडिओंचा वापर केला. या व्हिडिओंमध्ये अक्षयने आयुर्वेदाला खुला पाठिंबा दिला आहे.

‘आपण आपल्या देहयष्टीचे स्वत:च ब्रँड अम्बेसिडर व्हा. साधे आणि आरोग्यदायी जीवन जगा. शरीराचा असा कोणताही आजार नाही की त्याच्यावर आयुर्वेदातून उपचार होत नाहीत. या आपल्या उपचाराच्या पद्धतीला केवळ नैसर्गिकच नाही तर त्याला शास्त्रीय आधार देखील आहे. प्रत्येक उपचाराच्या मागे निश्‍चित लॉजिक आहे. माझा ॲलोपथी आणि औषधाला आक्षेप नाही. ते आपल्याजागी सर्वोत्तम आहे. परंतु आपण उपचारासाठी पारंपरिक पद्धती का विसरत आहोत,’ असे अक्षयने म्हटले होते.