Video: दिल्लीत माणुसकीला काळीमा, बलात्कार पीडितेची धिंड

Delhi Crime: देशाच्या राजधानीत एक अमानुष घटना घडली आहे. यामध्ये एका वीस वर्षीय तरुणीवर अवैध दारु विक्री करणाऱ्या काही व्यक्तींनी सामुहिक बलात्कार केल्याची (Rape Survivor Paraded) धक्कादायक घटना समोर आली आहे. यामध्ये त्या पीडीतेला बेदम मारहाण करण्यात आली असून तिचं मुंडन करुन तिची धिंडही काढण्यात आल्याचे दिसून आले आहे. याप्रकरणी दिल्ली पोलिसांनी तपास सुरु केला असून या घटनेचे तीव्र पडसाद उमटले आहेत. महिला आयोगानं या घटनेची दखल घेतली असून पोलिसांनी तातडीनं त्या प्रकरणातील चार जणांना अटक केली आहे. (Crime News) विशेष म्हणजे या घटनेतील आरोपी महिला आहेत. घटनेचा व्हिड़िओ सोशल मीडियावर व्हायरल झाला आहे. त्या तरुणीच्या भागातील महिलांनीच ही धिंड काढल्याचे दिसून आले आहे. (Rape Survivor Paraded Hit By Women Delhi Amid Cheers)

दिल्लीतील (Delhi Incident) शाहदरा येथे ही धक्कादायक घटना घडली. पूर्व वादातून हा अमानुष प्रकार झाल्याचे सांगितले जात आहे. याबाबत अधिक माहिती देताना पोलिसांनी सांगितले की, वैयक्तिक वैमनस्यातून हा प्रकार घडला आहे. पीडितेला शक्य ती मदत केली जात आहे. याप्रकरणातील दोषींना आम्ही अटक केली आहे. त्यांच्यावर तातडीनं कारवाईही केली जाणार आहे. पीडितेचं समुपदेशन केलं जात आहे. तिला मोठ्या प्रमाणावर मानसिक धक्का बसला आहे.

या महिलेल्या भेटलेल्या स्वाती मालीवाल यांनी सांगितलं की, संबंधित वीस वर्षीय युवतीवर अवैध दारु विक्री करणाऱ्यांनी सामुहिक बलात्कार केला होता. त्यानंतर तिच्यासोबत झालेला प्रकार हिणकस आहे. त्याची पोलिस प्रशासनानं गंभीर दखल घ्यायला हवी. एखाद्या महिलेसोबत होणारा हा प्रकार लाजीरवाणा आहे. देशाच्या राजधानीमध्ये झालेल्या या प्रकारानं समाजातील अमानुषता समोर आली आहे. कस्तुरबा नगरमध्ये एका वीस वर्षीय मुलीवर सामुहिक बलात्कार करण्यात आला होती. त्यात तिचं मुंडन करण्यात आले. तिला चपलांचा हार घालून तिचा चेहरा काळा करण्यात आला होता. मुलीला आणि मुलीच्या पालकांना सुरक्षा देण्यात यावी. असं स्वाती मालीवाल यांनी सांगितलं आहे.

पीडितेच्या बहिणीनं दिलेल्या माहितीनुसार,ती विवाहित असून तिला एक मुल आहे. 12 नोव्हेंबरला तिच्या मुलाचा मृत्यु झाला. त्यानंतर एका ठिकाणी भाड्याच्या घरात राहत होती. मुलीच्या सासरच्यांनी मुलाच्या मृत्युसाठी तिलाच दोषी ठरवल्याचे सांगितले.