'हर घर तिरंगा' अभियानाला आजपासून सुरूवात होत आहे. स्वातंत्र्याच्या अमृत महोत्सवानिमित्त मोदी सरकारकडून हे अभियान राबवलं जात आहे. तसंच पंतप्रधान नरेंद्र मोदींनी यानिमित्त देशवासियांना आपल्या सोशल मीडिया प्रोफाईलवर तिरंग्याचा डीपी लावण्याचं आवाहन केलं आहे. (Har Ghar Tiranga Abhiyan)
'हर घर तिरंगा' अभियानाअंतर्गत घराघरावर तिरंगा लावण्याचं आवाहन पंतप्रधान मोदींकडून करण्यात आलं आहे. नेटकऱ्यांनी या मोहिमेचं स्वागत केलं असून काही जणांनी या मोहिमेवर टीकाही केली आहे. दरम्यान, या मोहिमेची घोषणा झाल्यापासूनच अनेक जण एकच प्रश्न विचारत होते. राष्ट्रीय स्वयंसेवक संघ तिरंग्याचा फोटो डीपीला कधी ठेवणार?
अखेर या प्रश्नाचं उत्तर नेटकऱ्यांना मिळालं आहे. कारण राष्ट्रीय स्वयंसेवक संघाच्या सोशल मीडिया प्रोफाईल्सला आता तिरंग्याचा फोटो लावलेला आहे. राष्ट्रीय स्वयंसेवक संघ तिरंग्याचा स्विकार करत नाही, तिरंगा मानत नाही, अशी टीका हर घर तिरंगा अभियानाच्या घोषणेनंतर होत होती. मात्र आता RSS च्या या कृतीमुळे संघाने तिरंगा स्विकारला आहे, अशा प्रतिक्रिया उमटत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
