Rave Party : बिल्डिंगच्या १९व्या मजल्यावरून दारूची बाटली फेकली अन्...; रेव्ह पार्टी करताना असे सापडले ४० तरुण-तरुणी

व्हॉट्सॲपवर मेसेज पाठवून निमंत्रण.... ५००-८०० रुपये घेऊन एंन्ट्री अन् सोसायटीतील एका प्लॅटमध्ये तरुण-तरुणीची धिगांना... पण एकाने दारूच्या नशेत १९ व्या मजल्यावरून खाली दारूची बाटली फेकली आणि तिथेच ही पार्टी संपली....नोएडाच्या सेक्टर-९४ येथे एका हाऊसिंग सोसाइटीत हा प्रकार समोर आला आहे.

नोएडा येथील या फ्लॅटमध्ये पोलिसांनी अर्ध्या रात्री छापेमारी केली आणि सुमारे ४० तरुण-तरुणींना ताब्यात घेण्यात आले. ताब्यात घेण्यात आलेले हे सर्वजण कथितरित्या रेव्ह पार्टी करत होते. हे सगळे एका नामांकित विद्यापीठातील विद्यार्थी आहेत. पोलिसांनी छापेमारी दरम्यान मोठ्या प्रमाणात हरियाणा ब्रँडच्या दारूच्या बाटल्या आणि हुक्का इत्यादी वस्तू जप्त केल्या आहेत.

मिळालेल्या माहितीनुसार, नोएडा येथील सुपरनोव्हा सोसायटीच्या एका फ्लॅटमध्ये गोळा झालेले हे सर्वजण कुठल्याही परवानगीशिवाय पार्टी करत होते. तसेच या पार्टीमध्ये अवैध दारूचे सेवन केले जात होते आणि यामध्ये अनेक तरुणींचा देखील समावेश होता.

पण पार्टी सुरू असताना एकाने दारूच्या नशेत दारूची बाटली १९व्या मजल्यावरून खाली फेकली. यानंतर बिल्डिंगमध्ये राहणाऱ्या लोकांनी एकच आरडाओरड करत पोलिसांना याबद्दल माहिती दिली. यानंतर पोलिस घटनास्थळी दाखल झाले आणि फ्लॅटमधील ४० जणांना ताब्यात घेतले.

पोलिसांचा धक्कादायक खुलासा...

पोलिसांनी दिलेल्या माहितीनुसार, शुक्रवारी रात्री उशीरा त्यांना सेक्टर ९४ येथील सुपरनोव्हा सोसायटीमधील एका प्लॅटमध्ये अनेक जण रेव्ह पार्टी करत असल्याची माहिती मिळाली. त्यांनी सांगितले की, घटनास्थळी जाऊन ४० जणांना ताब्यात घेण्यात आले जे एका प्रतिष्ठित विद्यापीठात शिकणारे विद्यार्थी आहे. पोलिसांनी सांगितले की, ताब्यात घेण्यात आलेल्या सर्व मुला-मुलींचे वय १६ ते २० यादरम्यान आहे.

पोलिसांच्या प्रवक्त्याने माहिती दिली की, ताब्यात घेण्यात आलेल्या मुला-मुलींच्या चौकशीमधून माहिती समोर आली की त्यांना व्हॉट्सअॅपवर मेसेज पाठवून पार्टीसाठी निमंत्रीत करण्यात आले होते. एकाव्यक्तीसाठी ५०० रुपये आणि कपलसाठी ८०० रुपये एंट्री फी घेण्यात आली होती. पोलिसांना विद्यार्थ्यांना पाठवण्यात आलेला मेसेज देखील सापडला आहे.