देशात बनावट नोटांची संख्या वाढली, विरोधकांचा मोदी सरकारवर हल्लाबोल

नवी दिल्ली : भारतीय रिझर्व्ह बँकेच्या वार्षिक अहवालातून विरोधी पक्षांना नवीन दारुगोळा मिळाला आहे. भारतीय जनता पक्षाच्या नेतृत्वाखालील केंद्र सरकारच्या नोटाबंदीच्या (Demonetization) २०१६ मधील निर्णयावर जोरदार हल्लाबोल विरोधकांनी केला. आरबीआयच्या अहवालानुसार, बनावट नोटांची संख्या आर्थिक वर्ष २०२१-२२ मध्ये वाढली आहे. आरबीआयने (RBI) १०१.९ टक्क्यांपेक्षा अधिक ५०० रुपयांच्या बनावट नोटा (Fake Notes) आणि ५४.१६ टक्क्यांपेक्षा अधिक २००० रुपयांच्या बनावट नोटा शोधल्या आहेत. (RBI Report Shows Fake Notes Increases In Country, Opposition Parties Attack On Modi Government)

या शिवाय काळा पैसा संपवणे, नकली नोटा हद्दपार करणे आदी कारणामुळे नोटाबंदीचा निर्णय केंद्र सरकारने २०१६ मध्ये घेतला होता. आता या नवीन अहवालावर प्रतिक्रिया देताना काँग्रेस नेते राहुल गांधी ट्विट करत म्हणाले, नोटाबंदीचा केवळ दुर्भाग्य यशामुळे भारतीय अर्थव्यवस्थेची दुर्दशा झाली आहे.

तसेच तृणमूल काँग्रेस पक्षाचे नेते डेरेक ओ'ब्रिएन ट्विट करत हल्ला केला आहे. नमस्कार पंतप्रधान मोदी. नोटाबंदी ? आठवल का ? आणि ममता बॅनर्जी यांनी तुम्हाला धारेवर कसे धरले होते? कसे तुम्ही देशाला वचन दिले होते, की नोटाबंदीमुळे बनावट नोटा हद्दपार होतील. हा आहे आरबीआयचा अहवाल त्यातून बनावट नोटा वाढल्याचे स्पष्ट झाले आहे, असा प्रश्न त्यांनी मोदी सरकारला केला.