चेन्नई : तब्बल ५३५ कोटी रूपयांची रोकड घेऊन जाणारा रिझर्व बँक ऑफ इंडियाचा ट्रक अचानक खराब झाल्याचा प्रकार घडला आहे. त्या ठिकाणी पोलिसही दाखल झाले पण या घटनेची माहिती आजूबाजूला पसरताच तिथे लोकांचा गराडा जमा झाला. ही घटना तामिळनाडू येथील चेन्नईमध्ये घडली आहे.
अधिक माहितीनुसार, हा ट्रक विल्लुपूरम येथे खराब झाल्यानंतर क्रोमपेट पोलिसांना यासंदर्भात फोन आला आणि तत्काळ पोलीस संरक्षणाची मागणी करण्यात आली. यानुसार पोलिसांचा ताफा घटनास्थळी दाखल झाला. खराब झालेल्या गाडीजवळ पोलीस पाहून स्थानिकांनी सदर गाडीजवळ गराडा घातला आणि त्यांना गाडीमध्ये पैसे असल्याची चुणूक लागली.
तांबरम येथील सहाय्यक आयुक्त श्रीनिवास हे आपल्या टीमसह घटनास्थळी पोहोचले होते. त्यांनी सांगितलं की, चेन्नई येथील दोन ट्रक भारतीय रिजर्व बँकेची कॅश घेऊन निघाले होते पण रस्त्यामध्ये एका गाडीचे इंजीन खराब झाले. त्यानंतर हे इंजिन दुरूस्त करण्याचा बराच प्रयत्न केला गेला पण त्याला यश आले नाही. त्यामुळे खराब झालेला ट्रक पुन्हा रिझर्व बँकेजवळ ओढत नेण्यात आला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
