नवी दिल्ली : हिंदू आणि हिंदुत्ववादी यांच्याविषयी राहुल गांधी (Rahul Gandhi) यांचे ज्ञान आणि संकल्पना अत्यंत हलक्या प्रतीची आहे, असे प्रत्यूत्तर राष्ट्रीय स्वयंसेवक संघाचे ज्येष्ठ नेते इंद्रेश कुमार यांनी दिले. रा.स्व. संघाचा (Rashtriya Swayamsevak Sangh) पाठिंबा असलेल्या भारतीय ख्रिश्चन मंचच्या कार्यक्रमासाठी ते येथे आले आहेत. राष्ट्रीय कार्यकारिणीचे सदस्य असलेल्या इंद्रेश यांनी समाजवादी पक्षाचे (Samajwadi Party) प्रमुख अखिलेश यादव यांच्यावरही टीका केली. काशी विश्वनाथ कॉरीडॉरच्या संदर्भात पंतप्रधान नरेंद्र मोदी यांच्याविषयी अखिलेश यांनी केलेल्या टिप्पणीचाही इंद्रेश यांनी समाचार घेतला. लोक जीवनातील अखेरचे क्षण काशीत घालविता, असे अखिलेश म्हणाले होते.
याबाबत इंद्रेश म्हणाले की, अखिलेश यांनी आपल्या विधानांद्वारे देशाला असभ्य बनवू नये. राजकारण्यांनी सर्वांविषयी तसेच एकमेकांविषयी आदर बाळगावा आणि आपल्या वक्तव्य तसेच वर्तनाद्वारे सभ्य समाज निर्माण करण्याचा ध्यास घ्यावा. अखिलेश सनातन धर्माचा अपमान करण्याची एकही संधी सोडत नाहीत.
हिंदुत्वाशिवाय हिंदू मनुष्य म्हणून जगूच शकत नाही. या दोन व्याख्यांमध्ये फरक करून राहुल गांधी यांनी शरीरापासून आत्मा वेगळा काढला आहे. देवाने त्यांना सुबुद्धी द्यावी इतकीच प्रार्थना मी करतो, असंही ते म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
