जम्मू-काश्मीरमध्ये निवृत्त पोलीस अधिकाऱ्याची गोळ्या घालून हत्या; मशिदीमध्ये अजान प्रार्थनेवेळी हल्ला

नवी दिल्ली- जम्मू-काश्मीरच्या बारामुल्ला जिल्ह्यात रविवारी एक धक्कादायक घटना घडली. एका निवृत्त पोलीस अधिकाऱ्याची दहशतवाद्यांकडून गोळ्या घालून हत्या करण्यात आली आहे. मशिदीमध्ये प्रार्शना करत असतानाच त्यांच्यावर हल्ला झाल्याने खळबळ उडाली आहे. (retired senior police officer of the Jammu and Kashmir police was shot dead by terrorists )

पोलिसांनी दिलेल्या माहितीनुसार, मोहम्मद शफी मिर हे निवृत्त वरिष्ठ पोलीस अधिक्षक Senior Superintendent of Police (SSP) होते. मशिदीमध्ये अजान प्रार्थनेवेळी त्यांच्यावर दहशतवाद्यांनी गोळीबार केला. त्यात त्यांचा मृत्यू झाला आहे.

हल्ल्यानंतर पोलिसांनी संपूर्ण परिसराला घेरलं असून तपास सुरु करण्यात आला आहे. हल्ल्यामध्ये मिर यांना गंभीर इजा झाली होती. त्यातच त्यांचा मृत्यू झाला. दरम्यान, मागील आठवड्यात श्रीनगरच्या इदगाह मशिदीजवळ एका पोलीस अधिकाऱ्यावर दहशतवाद्यांनी हल्ला केला होता. त्यात ते जखमी झाले होते. त्यांना जवळच्या हॉस्पिटलमध्ये उपचारासाठी दाखल करण्यात आलं होतं. (Latest Marathi News)