नवी दिल्ली : ‘नरेंद्र मोदी सरकार ते एनडीए सरकार’ असा प्रवास असलेल्या भाजपचा तिसरा सत्ताकाळ सुरू होण्याआधीच एनडीए आघाडातील मित्रपक्षांचा सरकारच्या धोरणांवर दबाव दिसणे सुरू झाले आहे. अग्निवीर योजनेचा फेरआढावा घ्यावा आणि मोदी सरकारच्या महत्त्वाकांक्षी समान नागरी संहितेच्या मुद्द्यावर सर्व राज्यांशी आधी चर्चा व्हावी, अशी मागणी संयुक्त जनता दलाने (जेडीयू) केली आहे. तर सत्तास्थापनेमध्ये महत्त्वाच्या खात्यांसाठी आणि लोकसभाध्यक्षपदावरून तेलुगू देसम पक्षानेही दबाव वाढविणे सुरू केल्याचे संकेत मिळत आहेत.
‘जेडीयू’चे नेते के.सी.त्यागी यांनी आज पत्रकारांशी बोलताना अग्निवीर योजनेचा फेरआढावा घेण्याची मागणी केली. अग्निवीर योजनेला होत असलेला विरोध आणि लोकसभा निवडणुकीदरम्यान या विरोधाचा दिसून आलेला परिणाम याचा हवाला देत के.सी.त्यागी यांनी ही मागणी केली.
यासोबतच, समान नागरी संहितेबाबतही त्यांनी ‘जेडीयू’ची भूमिका मांडली. ते म्हणाले, की या मुद्द्यावर सर्व राज्यांशी चर्चा होण्याची गरज आहे. समान नागरी संहितेबाबत राज्यांचे म्हणणे ऐकून घ्यायला हवे. या मुद्द्यावर आमची भूमिका पूर्वीप्रमाणेच स्पष्ट आहे.
विधी आयोगाला पक्षप्रमुख नितीशकुमार यांनी पत्र लिहून कळविले होते की समान नागरी संहितेला विरोध नाही परंतु व्यापक सल्लामसलत करण्याची गरज आहे. त्यानुसार सर्व राज्यांशी चर्चा व्हायला हवी. ‘एक देश, एक निवडणुकी’साठी संयुक्त जनता दलाचा पूर्णपणे पाठिंबा असल्याचाही निर्वाळा के. सी. त्यागी यांनी दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.