'मुस्लिम लोक मानवतेचे शत्रू, त्यांचा मतदानाचा हक्क काढून घ्या'

बिहारमधील (Bihar) भारतीय जनता पक्षाचे (BJP) आमदार हरिभूषण ठाकूर (Haribhushan Thakur) यांनी मुस्लिमांकडून मतदानाचा हक्क काढून घेतला पाहिजे, असं वादग्रस्त वक्तव्य केलंय. मुस्लिमांना 1947 मध्ये दुसरा देश मिळालाय, त्यांनी पाकिस्तानात (Pakistan) जावं. इथं भारतात राहिल्यास द्वितीय श्रेणीचे नागरिक म्हणून जगावं लागेल. मुसलमान (Muslims) हे मानवतेचे शत्रू असून त्यांना संपूर्ण जगाला इस्लामिक स्टेट बनवायचं आहे. अर्थसंकल्पीय अधिवेशनाआधी भूषण यांनी हे वक्तव्य केलंय.

विधानसभेच्या आवारात पत्रकारांनी ठाकूर यांना एआयएमआयएम (AIMIM) आमदारांच्या लोकसंख्येच्या आधारावर सहभाग घेण्याच्या मागणीबद्दल प्रश्न विचारला असता ते म्हणाले, 1947 मध्ये धर्माच्या नावावर देशाची फाळणी झालीय. मुस्लिमांना दुसरा देश मिळालाय, त्यांनी त्याच देशात जावं. इथं भारतात राहत असल्यास त्यांचा मतदानाचा हक्क रद्द करण्यात यावा, अशी माझी सरकारकडं मागणीय, असं ते म्हणाले.

ठाकूर पुढे म्हणाले, आयएसआयचा (ISI) इस्लामिक राज्य निर्माण करण्याचा अजेंडा आहे. अफगाणिस्तानमध्ये तेच सुरु आहे. मुस्लिम लोक मानवतेचे शत्रू असून त्यांचा मतदानाचा हक्क काढून घ्यायला हवा. ते अल्पसंख्याक असूच शकत नाहीत. 'अल्पसंख्याक' हा शब्द म्हणजे भारतीय राज्यघटनेची (Indian Constitution) चेष्टा आहे. एआयएमआयएमच्या आमदारांनी राष्ट्रगीताला विरोध दर्शविला, मग आम्ही त्यांना का मतदानाचा अधिकार द्यायचा? जे लोक देशात राहून राष्ट्रगीत गात नाहीत, सभापतींच्या निर्णयाला सहमती दर्शवित नाहीत, मग त्यांचं सदस्यत्व का रद्द करु नये? असा सवालही त्यांनी उपस्थित केला.