Nitish Kumar : देशाचे पुढचे पंतप्रधान बिहारमधूनच असावे अन् नितीश कुमारच त्यासाठी पात्र; RJDचा दावा

नवी दिल्ली - बिहारचे मुख्यमंत्री नितीशकुमार यांना इंडिया आघाडीकडून पंतप्रधानपदाचे उमेदवार बनवण्याची मागणी जोर धरू लागली आहे. नितीश यांचा पक्ष जेडीयूचे नेते त्यांना युतीचे पंतप्रधानपदाचे उमेदवार करण्याची मागणी सातत्याने करत आहेत. आता राष्ट्रीय जनता दलाकडून देखील याबाबत विधान करण्यात आलं आहे.

दरम्यान, राजदचे प्रवक्ते आणि आमदार भाई वीरेंद्र यांनी पुढचा पंतप्रधान बिहारचाच असावा, अशी मागणी केली आहे. त्याचबरोबर त्यांनी नितीशकुमार यांना पंतप्रधानपदाचे सर्वात पात्र उमेदवार म्हटले आहे.

तत्पूर्वी, बिहार सरकारमधील जेडीयूचे नेते आणि मंत्री लेसी सिंह यांनी नितीशकुमार यांना पंतप्रधान म्हणून संबोधलं होतं. तसेच मुख्यमंत्री नितीश कुमार यांच्यात देशाचे पंतप्रधान होण्यासाठीचे सर्व गुण आहेत.