Tirupati Balaji Darshan : तिरुपती बालाजीच्या दर्शनासाठी 21 मिनिटांत सव्वादोन लाख तिकिटांची विक्री; Online Booking सुरू

हैदराबाद : तिरुपती बालाजीच्या दर्शनासाठी (Tirupati Balaji Darshan) बाराही महिने भाविकांचा ओघ सुरू असतो. तिरुमला पर्वतावरील मंदिराच्या वैकुंठ द्वारातून बालाजीचे दर्शन घेणे विशेष मानले जाते.

या विशेष प्रवेश दर्शनासाठी शुक्रवारी ऑनलाईन आरक्षण सुरू झाल्यानंतर २१ मिनिटांत सव्वादोन लाख तिकिटांची विक्री झाली. वैकुंठ द्वारातून दर्शनासाठी तिरुपती-तिरुमला देवस्थानम (टीटीडी) आज ऑनलाईन आरक्षण खुले केले.

२३ डिसेंबर ते १ जानेवारीसाठी वैकुंठ दर्शनासाठी ३०० रुपयांचे तिकीट भाविकांना उपलब्ध केले. आरक्षणाला दुपारी ३ पासून सुरुवात झाल्यानंतर १४ मिनिटांत ८० टक्के तर २१ मिनिटांत सव्वादोन लाख तिकिटे विकली गेली. यातून ६.७५ कोटी रुपयांची प्राप्ती झाली.