समाजवादी पक्षाचे खासदार आझम खान यांची प्रकृती अचानक बिघडल्यामुळे त्यांना रुग्णालयात दाखल करण्यात आलं आहे. सर गंगाराम रुग्णालयात त्यांच्यावर उपचार सुरू आहेत. सध्या त्यांची प्रकृती स्थिर असून उपचार सुरू आहेत.
सर गंगाराम रुग्णालयाच्या उपाध्यक्ष डॉ. बीबी अग्रवाल यांनी एएनआय वृत्तसंस्थेला दिलेल्या माहितीनुसार, लवकरच आझम खान यांच्यावर हर्नियाची शस्त्रक्रिया करण्यात येणार आहे.
पुढे त्या म्हणाल्या की, "आझम खान यांची प्रकृती बिघडल्यामुळे त्यांना सोमवारी रुग्णालयात दखल करण्यात आलं. सध्या त्यांची प्रकृती स्थिर असून लवकरच त्यांच्यावर हर्नियाची शस्त्रक्रिया करण्यात येणार आहे."
आझम खान सध्या उत्तर प्रदेशमधील सीतापूर तुरुंगात आहेत. आझम खान यांच्यावर 50 हून अधिक गुन्हे दाखल आहेत. आपल्या वक्तव्यांमुळे खासदार आझम खान कायम चर्चेत आले होते. लोकसभा अध्यक्ष म्हणून देखील त्यांनी काम पाहिले आहे.
आझम खान रामपूर मतदारसंघातून 10 वेळा आमदार म्हणून निवडून आले आहेत. 2022 च्या उत्तर प्रदेश विधानसभा निवडणुकीतही आझम खान रामपूर मतदारसंघातून आमदार म्हणून निवडून आले होते. तुरुंगातून त्यांनी ती निवडणूक लढवली होती, पण गेल्या वर्षी ऑक्टोबरमध्ये त्यांना द्वेषपूर्ण भाषण केल्याप्रकरणी न्यायालयाने तीन वर्षांच्या तुरुंगवासाची शिक्षा सुनावल्यानंतर त्यांना आपले विधानसभा सदस्यत्व गमवावे लागले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
