![satyapal malik - Narendra modi and Amit Shah](http://media.assettype.com/esakal%2F2023-07%2F5a38221f-b999-470b-b6f0-56c875783804%2FLatest_Marathi_News___RD___2023_07_31T180455_760.jpg?w=480&auto=format%2Ccompress&fit=max)
नवी दिल्ली - जम्मू काश्मीरचे माजी राज्यपाल सत्यपाल मलिक यांनी काही महिन्यांपूर्वीच खळबळजनक गौप्यस्फोट करत देशाचं राजकारण ढवळून निघालं होतं. त्यावेळी त्यांनी पुलवामा हल्ल्याबाबत गौप्यस्फोट करताना पंतप्रधान नरेद्र मोदी यांच्यावर काही आरोप केले होता. आता देखील सत्यपाल मलिक यांनी खळबळजनक दावे केले आहेत.
सत्यपाल मलिक म्हणाले की, २०२४ मध्ये निवडणुका जिंकण्यासाठी हे लोक राममंदिरावर हल्ला घडवून आणू शकतात किंवा भाजपच्या एखाद्या बड्या नेत्याची हत्या घडवून आणू शकतात. जे लोक पुलवामा हल्ला घडवून आणू शकतात, ते काहीही करू शकतात. या लोकांना कशाचीही परवा नाही. ते चुकीच्या मार्गाने चालले आहेत, असा दावा मलिक यांनी केली.
पंतप्रधान नरेंद्र मोदी यांचे काश्मीरकडे दुर्लक्ष होते आणि येथील सुरक्षा व्यवस्थेतील त्रुटींकडे दुर्लक्ष केल्यानेच नंतर पूलवामा हल्ला झाला, असा सनसनाटी आरोप याआधी सत्यपाल मलिक यांनी केला होता. मोदींना भ्रष्टाचाराबाबत फारसा तिटकाराही नाही, असेही मलिक यांनी म्हटले होते.
जवानांना हवाई मार्गाने नेण्याची ‘सीआरपीएफ’ने केलेली मागणी केंद्रीय गृह मंत्रालयाने फेटाळली होती, जवानांना नेण्याच्या मार्गावरही पुरेशी सुरक्षा तपासणी झाली नव्हती, असा दावा मलिक यांनी केला होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.