Seema Haidar:सीमा हैदर सचिनच्या घरात येताचं कुटुंबाचे खाण्यापिण्याचे वांदे! पूर्ण कुटुंब नजरकैदेत

Seema Haidar-Sachin Meena:सीमा हैदर आणि सचिन यांच्या प्रेमप्रकरणावर आता गरिबीचे सावट ओढवतंय. सीमाचा प्रियकर सचिन आणि त्याच्या पूर्ण कुटुंबाला घरातून बाहेर निघणं अवघड झालंय. घरातील किराणाही संपत आलाय.

मूलभुत गरजा पूर्ण करण्यासाठी संघर्ष करावा लागतोय. घरातील मिळकत पूर्णपणे बंद झालीये. अशातचं घरातील सगळ्या लोकांचे अन्नावाचून हाल होत आहेत. सचिनच्या वडीलांचा एक व्हिडीओ समोर आलाय ,ज्यात त्यांनी घराची आर्थिक स्थितीविषयी माहिती दिली.

पाकिस्तानमधून आपल्या प्रियकरासाठी भारतात पळून आलेल्या सीमा हैदरच्या गोष्टीमध्ये प्रत्येकाला रस येतोय. मात्र, तपास यंत्रणांचा संशय दिवसेंदिवस तिच्यावर बळावत चाललाय. सीमा सध्या जामीनावर बाहेर आहे. ती तिच्या प्रियकरासोबत रबूपुरा या ठिकाणी राहत आहे. घरातल्या कोणालाही बाहेर जाण्याची परवानगी देण्यात आलेली नाही. घराबाहेर पोलीसांचा फौजफाटा तैनात करण्यात आलाय.

सचिनचे वडील नेत्रपाल यांनी सांगितलं की," आम्ही काहीचं कमवतं नाही आहोत. आम्ही रोज काम करुन घर चालवणारे लोक आहोत. खाण्यापिण्याचे हाल होत आहेत. आम्ही लोक दिवसंभर घरातचं असतो."

माध्यमांच्या अहवालानुसार, नेत्रपालने पुढे सांगितलं की,"कमाई न झाल्याने घरातील किराणा संपलाय. त्यांनी पोलीस अधिकाऱ्यांना एक पत्रही लिहिलं, ज्यात त्यांनी घरातील परिस्थितीचं वर्णन केलंय.त्यांनी विनंती केलीये की या अडचणीतून काहीतरी मार्ग काढला पाहिजे, जेणेकरुन त्यांच्या पोटापाण्याची सोय होईल."

नेत्रपालने सांगितले की मिळकत नसल्यामुळे घरातील सर्वांना त्रास होत आहे. त्याचबरोबर अशीही माहिती मिळतीये की काही दिवसांपासून सचिन आणि सीमाची तब्यत खराब होत आहे.

एटीएससह आणखी तपास यंत्रणा या प्रकरणात तपास करत आहेत. सीमावर आरोप लावण्यात आलाय की ती पाकिस्तानची गुप्तहेर आहे आणि तिने दावा केलाय की तिचं सचिनवर खरं प्रेम आहे. त्याच्यासोबत जगण्या-मरण्यासाठी आली आहे. आंतरराष्ट्रीय प्रेमप्रकरणाच्या या नायिकेने सांगितलं की पबजी गेम खेळताना त्यांचं सुत जुळलं. दोघे रात्रभर बोलायचे. नंतर दोघे नेपाळमध्ये भेटले. सात दिवस एकमेकांसोबत वेळ घालवला.

पशुपतीनाथ मंदिरात त्यांनी लग्न केलं आणि नंतर मे महिन्यात सीमा आपल्या चार मुलांना घेऊन भारतात बेकायदेशीर पद्धतीने आली. सीमा भारतीय नागरिकत्वाची मागणी करत आहे. राष्ट्रपतीकडे तिने दया याचिकाही केली आहे.