नवी दिल्ली- राम मंदिरातील प्रभु रामाची मूर्ती निश्चित झाली आहे. देशातील प्रसिद्ध शिल्पकार योगिराज अरुण यांनी बनवलेली राम लल्लाची मूर्ती राम मंदिरात ठेवण्यात येणार आहे. मंत्री प्रल्हाद जोशी यांनी एक्सवर पोस्ट करुन यासंदर्भातील माहिती दिली आहे. (selection of the idol for the Prana Pratishtapana of Lord Rama in Ayodhya has been finalized renowned sculptor of our country Yogiraj Arun)
प्रल्हाद जोशी यांनी म्हटलंय की, जेथे राम, तिथे हनुमान. अयोध्यामध्ये भगवान रामाच्या प्राण प्रतिष्ठेसाठी मूर्तीची निवड करण्यात आली आहे. आपल्या देशातील प्रसिद्ध शिल्पकार योगीराज अरुण यांची मूर्ती अयोध्येतील राम मंदिरात विराजमान होईल.
२२ जानेवारी रोजी अयोध्येतील राम मंदिरात राम लल्लाची प्राणप्रतिष्ठा होणार आहे. त्यासाठी मूर्तीची निवड करण्यात येणार होती. अखेर प्रसिद्ध शिल्पकार योगिराज अरुण यांनी बनवलेली मोहक मूर्ती निवडण्यात आली आहे. योगिराज अरुण यांच्या आई सरस्वती यांनी याबाबत आनंद व्यक्त केला आहे.
कर्नाटकचे माजी मुख्यमंत्री येडियुरप्पा यांनी या निवडीवरुन आनंद व्यक्त केला आहे. म्हैसुरचे शिल्पकार योगीराज अरुन यांनी बनवलली मूर्ती अयोध्येतील भव्य राम मंदिरात प्राण प्रतिष्ठेसाठी निवडण्यात आली आहे. यामुळे राज्याचा गौरव आणि प्रसन्नता दुप्पट झाली आहे. शिल्पकार योगीराज यांना खूप अभिनंदन.
योगीराज अरुण हे कर्नाटकातील प्रसिद्ध शिल्पकार योगीराज शिल्पी यांचे पुत्र आहेत. योगीराज शिल्पी यांनी वाडिया घराण्याच्या राजवाड्यांच्या संदर्भात अनेक महत्त्वाची शिल्प उभारल्याचं सांगितलं जातं. योगीराज अरूण हे ३७ वर्षांचे असून त्यांनी म्हैसूर विद्यापीठातून एमबीएचे शिक्षण घेतले आहे. त्यांनीच इंडिया गेट येथील अमर जवान ज्योती स्थळाच्या मागे सुभाषचंद्र बोस यांचा 30 फूट उंच पुतळा बनवला आहे. (Latest Marathi News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
