Serum Institute of India: सीरम इन्स्टिट्यूटची मोठी घोषणा; मंकीपॉक्सविरुद्ध विकसित करणार लस

Serum Institute Mpox: देशभरात मंकीपॉक्सची चिंता वाढली आहे. जागतिक आरोग्य संघटनेने (WHO) या आजाराला जागतिक आरोग्य आणीबाणी घोषित केले आहे. आफ्रिका आणि स्वीडनशिवाय भारतालाही याचा धोका आहे. आरोग्य विभागाचे पथक सतर्क झाले आहेत..यातच सीरम इन्स्टिट्यूट ऑफ इंडियाने घोषणा केली आहे की ते मंकीपॉक्स विरुद्ध लस विकसित करत आहेत. मंकीपॉक्सच्या उद्रेकामुळे जागतिक आरोग्य आणीबाणीच्या पार्श्वभूमीवर, सीरम इन्स्टिट्यूट ऑफ इंडिया सध्या या रोगासाठी लस विकसित करण्यावर काम करत आहे. सीरम इन्स्टिट्यूटचे सीईओ आदर पूनावाला म्हणाले, मंकीपॉक्सच्या उद्रेकाच्या पार्श्वभूमीवर, आम्ही लाखो लोकांना मदत करण्यासाठी लस विकसित करण्यावर काम करत आहोत. आशा आहे की, एका वर्षाच्या आत आपल्याला यासंबंधी चांगली बातमी मिळेल. सीरम इन्स्टिट्यूटने या अगोदर कोरोनाची लस विकसित केली होती..Pune Bomb Threat: 'पोगो आणि नोरो मला त्रास देतात, फिनिक्स मॉल बॉम्बने उडवून देईन'; विमाननगर पोलीस अलर्ट.भारतातील मंकीपॉक्सची स्थिती2022 मध्ये भारतात मंकीपॉक्सचा पहिला रुग्ण आढळून आला होता. 2022 पासून, जागतिक आरोग्य संघटनेने 116 देशांमध्ये मंकीपॉक्सची 99,176 प्रकरणे आणि 208 मृत्यूची नोंद झाली आहे. 2022 मध्ये WHO च्या घोषणेपासून भारतात एकूण 30 प्रकरणे नोंदवली गेली आहेत.भारतात मंकीपॉक्सचे ताजे प्रकरण मार्च 2024 मध्ये नोंदवले गेले. मंकीपॉक्सच्या सध्याच्या उद्रेकादरम्यान, WHO ने हा जागतिक चिंतेचा विषय घोषित केला होता..डॉक्टरांच्या म्हणण्यानुसार, हा विषाणू सध्या मध्य आफ्रिकेत आणि आसपास असल्याने, भारतातील सीमावर्ती भागात पाळत ठेवणे आणि तपासणी सुरू करणे आवश्यक आहे. स्वच्छता आणि सावधगिरी बाळगून हा आजार टाळता येतो..मंकीपॉक्स कसा पसरतो?मंकीपॉक्सचा विषाणू कुठेही पसरू शकतो. अहवालानुसार, हा आजार लैंगिकरित्या अधिक प्रसारित होत आहे. हा आजार एका व्यक्तीकडून दुसऱ्या व्यक्तीकडे पसरतो, त्यामुळे निष्काळजीपणा टाळला पाहिजे. .Japan Mpox Death : जपानमध्ये 'एमपॉक्स'चा पहिला बळी, आरोग्य यंत्रणा सतर्क; जगाचं टेन्शन वाढलं.मंकीपॉक्सची लक्षणे काय आहेत?1. मुरुम, फोड किंवा पुरळ, वेदना आणि पू भरणे2. ताप, थंडी वाजून येणे3. डोकेदुखी, पाठदुखी, घसा खवखवणे आणि थकवा4. स्नायूंमध्ये ताण येणे.सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.