Accident News: अमृतसर-दिल्ली महामार्गावर भीषण अपघात; धुक्यांमुळे अनेक गाड्या एकमेकांवर आदळल्या, एकाचा मृत्यू

धुक्यांमुळे दृश्यमानता कमी झाल्याने अमृतसर दिल्ली महामार्गावर अनेक वाहने एकमेंकावर आदळली. या अपघातात एकाचा मृत्यू झाला आहे. तर १२ जण जखमी झाले आहेत. पंजाबमधील खन्ना येथे ही दुर्घटना घडली आहे. या मार्गावर सध्या धडकलेल्या आणि खराब झालेल्या वाहनांच्या लांबचं लांब रांगा लागल्या आहेत.

पंजाबच्या लुधियाना येथील खन्ना भागात अनेक वाहने एकमेकांवर आदळली असून धुक्यामुळे हिवाळ्याच्या सुरुवातीला रस्त्यांवरील दृश्यमानता कमी झाली आहे. या प्रकरणातील अधिक तपशीलाची प्रतीक्षा आहे.

या अपघातानंतर महामार्गावर मोठ्या प्रमाणावर वाहतूक कोंडी निर्माण झाली होती. प्रशासन आणि वाहतूक पोलिसांनी थांबलेली वाहने एका बाजूला काढल्यानंतर आता वाहतूक व्यवस्था सुरळीत झाली आहे. या अपघातामध्ये मोठ्या प्रमाणावर जीवितहानीसोबतच मोठ्या प्रमाणात आर्थिक हानीही झाल्याची शक्यता आहे.

या घटनेमध्ये 100 वाहनांचे नुकसान झाले आहे. अनेक वाहनांची मोडतोड झाली आहे. या दुर्घटनेत एका व्यक्तीचा मृत्यू झाला असून अनेक जण जखमी झाले आहेत. जखमींना उपचारांसाठी रुग्णालयात दाखल करण्यात आले आहेत.